مساء الخير
الله يسعد أوقاتكم يارب
بفوت بالموضوع دغري يعني على طول
انا بعاني بموضوع الصداقات والصديقات ...
انا مقيمة بدولة خليجية تقريبا الناس فيها منغلقة على حالها ..
بشغلي جميع الموظفات متزوجات وفي الي ازغر مني وفي الي اكبر وفي الي قدي..
انا بشكل عام لطيفة مع الجميع .. بنتقي كلماتي ... وبحترم الجميع
وبحاجة لصديقات
بس للأسف بلاقي صدود منهم يعني الوحدة فيهم اول ماتعرف اني مو متزوجة بتسير تعاملني رسمي
كلمة ورد غطاها
!!!!!
مع العلم اني اقسم بالله مو حابة اصادق بنات متزوجات لانه اهتمامتهم مختلفة عني ومابدي يجيني وجع راس وشكوك منهن بس لانه مافي خيارات تانية وزهقت لحالي ومليت
يعني لما يعملوا جمعات وزيارات نسائية مابيححكولي
طيب ليه
هالشي مو بس موجود عندهم هالشي عند اغلب المتزوجات
انا مابدي ازعج حدا واصلا طبيعتي كتير هادية ومابتدخل بامور العالم
مابدي اتعمق بحياتهن
ومابهمني اعرف تفاصيل حياتهن
ومابدي ادخل بيوتهن كل شوي
كل الي طالبته انه يعبروني متلي متل اي وحدة متزوجة معهم بنفس الشغل
شو الحل عنجد عم بشعر بوحدة كبيرة
شعور بشع كتير
ساعدوني بنصائحكم لو سمحتوا .. وشكرا

__________________
يارب