بسم الله الرحمن الرحيم
قمت بتأليف هذه القصة بعناية تربوية نفسية وقصصتها على سبطاتي(بنات بنتي)
وتم تناقلها بين الأسر المحيطة فآتت أوكلها وعلمت الاطفال احترام نعمة الله في الأكل وعلمتهم من أين جاء هذا الأكل وهي موجهة للأعمار بين 4 و6 سنوات
وستتحدث بطلة القصة بنفسها ويستحسن حفظ القصة إلقائها على الأطفال بلغة المتحدث وكأن رزيزة تحدثهم كما في القصة.
رزيزة
السلام عليكم يا حلوين أنا حبة الرز اللي تاكلون واسمي رزيزة وأمي رزة وأختي رزوز
أول ما انولدنا بمزرعة أرز بالهند كبيرة ونشرب ماء كثير حتى يجي وقت الحصاد يعني يطلعوننا من الشجرة ويجمعوننا بمستودع يعني غرفة كبيرة ويحطوننا بأكيس كبيرة ويكتبون اسمنا على الكيس
يوم جا يوم الحصاد طلعنا من شجرتنا وحطونا بمستودع كبير ثم حطونا بأكياس وصرت اتفرج من فتحات الكيس واشوفهم حطونا باتريلات يعني سيارة كبيرة تنقلنا للمينا يعني المدينة اللي على البحر
ولما وصلنا المينا ركبنا ملاهي كبيرة اسمها رافعة الونش وركبونا سفينة يعني قارب كبير مررره وهو بدون كفرات ويمشي بالبحر وحطونا بمستودع السفينة ونمنا شهرين. وقمنا بميناء جدة وركبنا الملاهي الثانية اللي اسمها رافعة وحطونا بتريلات ثاني مرة ومشينا طريق طويل حتى وصلنا مدينة الرياض ونزلونا بمستوع السوبرماركيت الكبير وانا تفرج على الناس والمحلات وبعد كم يوم نقلونا للرفوف بالسوبرماركيت
وقالت امي تفرجو على الناس وأطفالهم جايين يشترون حتجاتهم فقلت لامي وحنا متى يشتروننا قالت اصبري شوي
وجلسنا يومين نتفرج وجا العامل وشال الكيس اللي حنا فيه وحطنا بسيارة حلوة وجميله وفيها ام واب وولد وبنت ودخلنا الاب بمستودع المطبخ وبعد يومين جت الام وشالتنا كلنا وسبحتنا بموية وسمعتها تقول لبنتها لازم نغسل الرز. وبعدها حطتنا بالقدر وطبختنا ولما جا الاب حطت الام الغدا وكنا وسط الطاولة واجتمعوا وفرحت انهم مؤدبين وبياكلوننا لأننا رز وهم يحبوننا. وجيت أنا بجهة الولد الصغير وكان توه يتعلم الاكل. فقلت لامي يا سلام بياكلني الولد الصغير بس هو الله يسامحه ملا الملعقة كثير وخفت لا اطيح ورفع الملعقة وكلنا فيه بس انا رزيزة واختي رزوز طحنا بالصحن وهم اكلهم الولد وسمعت امه تقول حرام عليك شف رزيزه وارزوز كم مشو وتعبو الين جو هنا ولا تاكلهم
لا تملا الملعقة والحمد لله سمع الكلام واكلني انا واختي
يا حلوين شفتوا كم تعبنا وكم مشينا الين صرنا قدامكم بالصحن وحنا نعمة الله فاحترمونا ولا تنثروننا بالسفرة
وسلام عليكم من رزيزة

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.