رد : (مميز) زوجة معدد؟ ...... تفضلي
اقتباس:
المشاركة الأصلية كتبت بواسطة روح الطير
لو تاجلي دراستك و وظيفتك و نفسك لحد ما تتفرغي
ما راح تبدأي دراستك أبدا مهرة
لانه الظروف دائماً صعبة
|
روح حبيبتي لا تفزعيني.
تراني أنا ما أتكلم من فراغ.
تعرفين إني كنت أشتغل قبل الزواج .. وظللت في وظيفتي أول سنتين من عمر ابني .... فعلاً كنت متعبة نفسياً وغير مرتاحة .. وأنا اللي كنت معروفة بأنني من المغرمات بعملهن.
هذا وأنا كنت اخليه مع امي الله يجزاها خير ..... الحين خلاص ما تقدر.
حابة أكمل دراستي أكيد .. لكن مب حابة ألخبط الدنيا .. أبا نكون كلنا مرتاحين .. ممكن أترك بنتي مع الخدامة ساعة أو ساعتين .. لكن ما أقدر أخليها فترة أطول وبشكل يومي أو شبه يومي .. (بالمناسبة أنا بعدني ما أعرف كيف دوام طلبة الماجستير)
يقولون ان المرأة تستطيع أن تقوم بأكثر من عمل في نفس الوقت وبنفس الإتقان ..... للأسف أنا مش من دول
جربت نفسي زمان لما قررت أكمل الجامعة .. وما قدرت أجمع بين الوظيفة والدراسة .. عطائي قل في الجهتين! .. فكيف الحين مع اليهال! .. ما أدري لكن على الأقل لما كلهم يكونون في الحضانة والمدرسة يمكن الوضع يكون أفضل لي ولهم.
بعدين ما أبا أعطي حجة لابوهم!
__________________
اللهم طِيبَ الأثر .. وحُسْنَ الرحيل.