السلام عليكم ورحمة الله وبركاته


مشكلة إذا كانت الزوجة تحب الخصوصية والزوج العكس تماماً

وهذا اللي أعانيه مع زوجي ، ماعدت اتحمل اي خبر يخصنا لازم يخبر أهله ومو بس أهله إلا الأقارب كلهم

اليوم نزلت اسماء المؤهلين في وزارة الإسكان قريت الخبر في تويتر ورحت خبرت زوجي واخذت منه الأرقام ودخلت موقع الوزارة،

الحمدلله طلعنا مؤهلين لإستلام سكن من الوزارة ، قلت لزوجي لاتقول لأحد قال بقول لإخواني عشان يشوفوا أسماءهم قلت مو مشكلة اخوانك شوي وانا بجنبه اشوف كل اقاربنا يسألونه بشّر طلع إسمك ؟

قلت خبرتهم ! انصدمت صراحة انه ارسل الرسالة لكل الموجودين عنده في الواتس

فصاروا كل اقاربنا يسألونه ، اكيد اغلب اقاربنا مانزلت اسماءهم وفيه منهم اعرفهم ميتين على مايتملكون بيت

مدري ليش زوجي يعرضنا لعيون الناس حتى من قبل لا نأخذ البيت ولانسكنه

وفي الأثر : (استعينوا على قضاء حوائجكم بالكتمان )

صراحة انا زعلت من زوجي ، اقاربنا لو تصير عندهم اشياء ماندري عنها واحنا كل اخبارنا عندهم


تشوفوا معاي حق ازعل والالا ؟
وكيف اقدر اغير هالطبع في زوجي
وخصوصاً انا من الشخصيات اللي مااحب اخبارنا تطلع للناس