السلام عليكم ورحمة الله وبركاته
كتبت مشكلتي في رمضان وفعلا حصلت مشاكل معاه وذهبت إلى بيت أهلي بعد أن قال لي أنا ابغاك تقولين ودني بيت أهلي عشان أوديك ولا ارجعك
وهذه مشكلتي لمن لايعرفها
http://www.66n.com/forums/showthread.php?t=252691

المستجد انه تركني طول شهر رمضان بدون اتصال أو مصروف أو حتى سؤال
فقط بعد أسبوعين ارسلي ارسلي صورت ولدي بدون سلام أو سؤال عن حالي وحال ابنه وطنشته لم ارد عليه لاني مازلت نفسيتي متعبه جدا
وقبل العيد بيوم اتصلت أمه تسأل عني وعن الطفل وتستهبل انها ماتدري عن شي وكل ماتتكلم أفهم من خلال كلامها أنها تدري عن كل شي وانتبهت لنفسها قالت توهم بناتي قالولي المهم تحاول اني ارجع وتفهم مني ايش المشكله واخبرتها بكل شي ولكن تتعامل ببرود همها أني ارجع وماتبغى تفرح أعدائها وولدها يفضحهم لأنه مطلق مرتين واخبرتني أنها ستزورني في العيد وانقطع الاتصال
وأول العيد في آخر الليل اتصل زوجي 3 مرات ولم ارد عليه توه يتذكر يتصل وبعدها دق الساعه 7 صباحا ثاني العيد ولم ارد عليه واتصلت أمه تقريبا بعد ساعه ورديت عليها قالت انا جايتكم ورحبت بها وزارتنا هي وبنتها
اول شي طفلي استنكرهم جلس يبكي قالت نسينا عشانه ابتعد عنا قلت لا تعبان يبغى ينام المهم بدأت تحاول فيه أنه ارجع معاهم بدون تدخل الرجال قلت لازم يتدخل الرجال وانا قراري اعطيته ابوي ولازم ابوي يسمع منه قالت لا ملازم خليها بينك وبين زوجك وتحاول تعرف اني ارجع أو لا قلت أقرر بعد ابوي مايسمى منه وقالت كيف يجي وبينهم مشاكل في موضوع فك الشراكه قلت الشراكه شي وانا شي آخر قالت هو نفسيته تعبانه قلت خلاص بعد مايرتاح يجي قالت أخته لا خلي أبوك يتصل ويكلمه قلت هو اللي خرجني من البيت هو اللي يجي المهم رفضت انه هو يجي إلا بعد ابوي مايتصل
وكانت جلستهم اتهامات لي أنني مقصره وماانظف البيت ومااطبخ له ومااهتم فيه قالت امي ليش مااشتكى على أبوها قالت منحرج وماتبغى يكبر المشاكل اعذارهم مالها داعي وليس حجتهم قويه وكلها كذب ونكران للجميل ومشاكل تافهه
وبعدها ب3 ايام اتصل على الصباح 4 مرات ولاأريد أن ارد عليه فقط أريده يتفهم مع ابوي ويسمع منه لأن ابوي يبغى يسمع منه وهل فيه أمل انه يعدل أو لا