رد : (مميز) زوجة معدد؟ ...... تفضلي
اقتباس:
المشاركة الأصلية كتبت بواسطة RAOUF&RANA
طيب انتى عاوزه ايه ؟
صدقينى لو بايدينا نشيل عنك ماكناش اتاخرنا بس انتى بتعذبينا معاكى كده مهره ..
لازم تنحى عاطفتك ومشاعرك دى شويه واعتبريه ابتلاء من عند ربنا ليرى نشكر ام نكفر
|
عشان خاطري يا خالو .. محدش يرجع يكلمني عن الإيمان بالقضاء والقدر .. ومحدش يكلمني كأني ما صبرتش وما استحملتش.
أنا شفت مسجات حب وغرام وسكت.
شفته بيطلب منها بوسة لأنه عنده نقص! .. وسكت.
بيكون قاعد جنبي في البيت أو في العربية وبيتراسلوا .. وسكت.
شفت آثار أحمر وكريم أساس على هدومه .. وسكت.
شفته بيكلم بنات وبيوزع عليهم كلام الحب .. وسكت.
شفته حط فيس بيبكي وبيقول لها: ما تفكرنيش! لما سألته وحدة منهم إذا كنت حلوة والا لا .. وسكت.
شفت صور فاضحة وخليعة في تلفونه وسكت.
لما رحنا النمسا الصيف اللي فات كان بيصور الأماكن اللي بنروحها ويبعتها لها .. ويقول لها: في شهر أغسطس الثلج هيكون داب بس مش مهم المهم نكون مع بعض .. وسكت.
لسة من كم يوم بيقول لي انه هيروح يشتري حاجة للعيال من السوق الصيني .. قلت له: طب خدني معاك عشان..... .. قبل ما اكمل كلامي قاطعني وقال لي: لا بروح مع غيرج! وانتي بس لصقة؟!! .. وسكت.
نحيت عواطفي ومشاعري وعملت نفسي مش شايفة ومش سامعة .. وقلت يا بت كبري دماغك ده كله كلام في الهوا.
حمدت ربنا وشكرته إنه على الأقل إنسان كويس وزوج مسؤول قائم بواجبه ومش مقصر معانا في حاجة.
بس يعني المفروض افضل مستحملة لحد امتى عشان ما يتقالش عني كافرة؟!!!!!!!!!
.
.
.
.
يا خالو انا مش عايزة اعذبكم معايا .. أنا عايزة اتطلق .. بس.
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 07-06-2014 الساعة 07:31 PM
07-06-2014, 07:26 PM
ضوابط المشاركة
العرض الشجري