السلام عليكم ورحمته الله وبركاته
ادخل في الموضوع

لي كم يوم افكر اخطب من بيت جارنا الصراحة بيت ملتزم ومحترم ومتدين وطيبين لدرجة ما تتوقعونها ما شاء الله وكل الناس تمدح فيهم ومنهم اهلي

ما شاء الله في كل صلاة اقابل الابو والاخو الكبير ويمشون معي لين المسجد الابتسامة ما تفارقهم وناس تفتح الناس واخلاق اخلاق لدرجة ما تتوقعوها ما شاء الله والصلاة على النبي
دايما لاب يقابلني يمسك يدي ويمشي معي ويضحك ويسأل عني وعن الجيران بكل خير والله معتبره الاب والصديق وكل شي الصباح يعني لو امدحه لين بكرة ما راح اوفي بحقه شلكي بسكه بعين هههه ما شاء الله

حتى امي واخواتي يمدحون في اخلاق زوجته وبناته

بناته متزوجين من الصغر وانجبو لكن عنده بنت بعمري 26 ما تزوجت والسبب انها عقيمة ومحد يبغاها فاتحت امي بالموضوع قالت يا ولدي عقيمة وتبى ترجعني لخطيبتي السابقة فقلت لها مافي امل ارجع لهذيك انتهى امرها وقلت لها عن اخلاقهم وكل شي وانت ادرى بيهم وقلت اهم شي تكونين راضية قالت اكيد راضية انت رجال فاهم كبير وتعرف تتدبر امورك

والله افكر اتقدملها من يوم شفت طيبة اهلها والناس كلها والجيران تمدح فيهم وانا ساعات اخرج اشوف البنت متحجبة حجاب كامل ولا شي يبان منها غير المدح الي من ناس لكن لانها عقيمة محد يفكر يتزوجها ودايم اشوفها تروح المسجد تصلي وحافظة القران ودين وجمال زي ما يقولو اهلي

انا الصراحة ما يهمني انها عقيمة ابدا ما يهمني والله اهم شي الدين والخلق والزوجة الصالحة والاستقرار والامان معها حتى اهلها ما شاء الله عليهم والعيال اخر شي افكر فيهم
ومقتنع ان الانجاب بيد الله ياما سليمين ما انجبو وعقيمين انجبو كلها بأرادة الله لو ارادنا ننجب انجبنا وانا متأكد مليون في المية اني راح اعيش مع ناس كذا احلى حياة وانا حاليا استخير لها ومرتاح الحين بس مستمر على الاستخارة

في النهاية اسف على الاطالة وايش رأيكم في الموضوع ونصايحكم لاخوكم وانا خايف من نقطة ان لو الله كتبني لها راح تكون نفسيتها تعبانة مثلا تقول انت ما تستحق وحدة عقيمة او كذا فاهمين انتم

واخوكم ينتظركم