::: ارجو المشاركة من الازواج و مساهمة الزوجات ::: تقوقع الزوج المفاجئ

30-04-2014, 05:25 PM

ملَك شادي

عضو متألق

تاريخ التسجيل: May 2006

المشاركات: 6,393

::: ارجو المشاركة من الازواج و مساهمة الزوجات ::: تقوقع الزوج المفاجئ

السلام عليكم ورحمة الله و بركاته

وجهت كلامي للرجال عشان حديثي عن حالات الازواج و مزاجاتهم الغريبة ...

من خلال زواجي عرفتها والي اعتقد غير زوجي من الازواج يمر بها

تعريف الزوج ::: هو ذلك الكائن الرجل الي مستحيل يعترف انو في عندو شي مزعلو ههههه

اخوتي واخواتي قرات عن قوقعة الرجل او انعزاله بدون سبب او بسبب

ولكن مالاافهمه زوجي مابعترف ..

اليكم الحالة ... ههههههه شخصوها

كل فترة وفترة وان كانت متباعدة ولكن

فجاة يصدع ... يصير عالوضع السايلنت

لايتحدث كثيرا ... على غير عادته ينام في طرف الفراش ... مزاجه يبدو معكر

بالعربي مش على طبيعته

طيب لو سالته وقلي معلش حبيبتي انا مدايق وزهقان من الحياة اتركيني بروق لحالي

والله بحطو عراسي ...

لكن معضلة مستفزاني اني لما اساله بيقلي ... انا كويس انا طبيعي انت غارقة في الاوهام شكلك فاضية شوفيلك شي انشغلي فيه احسن ههه

حبيبتي من يوم مخطبتك وانت تتخيلي عني اشياء غير موجود ((( لوهلة احس اني منفصمة)))

ومن هون بتيجي عندي شياطين الدنيا و بترفعلي ضغطي و بتشد اعصابي و استفز بشكل فظيع

طيب بتركه بحالو ولكن اكون ازفر بشدة ههههه و صراحة صراحة انكشه احيانا لغاية ميستفز فعلا و يقلي نكدتي علي الله يسامحني عاد

المهم ايام و يرجع لطبيعته من حاله ...

ولكن انا بنقهر كتير كتير

رغم 8 سنوات 7 منهم زواج لما يصير هيك بحس كاني طفلة صغيرة واحس انو ابي تركني وراح

يتمني وغاب عني والله بسدق بحس بالوحدة القاتلة و عدم الامان

حينما اصارحه ينصدم بقلي بعد هالعمر؟هيك تحسي؟؟

هوة انت بنت صغيرة ؟انت اصلا بنت طفلة على هيئة امراة

وانا بكون طبيعي انت بس بتتخيلي >>>>رجعنا لعالم التخيلات تبعه

انا بعرف الانسان طبيعي يكون متقلب من فترة لاخرى لكن مع زوجي بحس الحياة انتهت هههههههههه

انا اعذره فالحياة صعبة والضغوط شديدة و من فترة لفترة الزلمة يزهق و يعتزل الحياة

معاه حق ...

لانو مابأزيني ولا بعصب علية بكون في حالو

انا كل الي قاهرني ليش مايعترف ليش ينكر ويصر انو مافي اشي واحيانا يحلف يعني مابحلف كزب حرام هوة محترم ومش قليل دين فاكيد مش حالف كزب

طيب انا زوجته وانا عارفة انو مش طبيعي هههههههههههه ليش بينكر

هل هوة مش عارف انو هوة في اشي

ام هل هوة مش عارف اني عارفة انو هوة في اشي

صدقوني الامر بيجلطني بحق وحقيقي ... ويتحول لنكد نفسي عندي

وكله بس لاصراره انو كويس ...

ولا اخفيكم وكلكم تعرفو المراة مش هبلة وبتشوف بعينها جوزها كويس ولا مدايق

الازواج قولو لي شو هالحالة و ليش زوجي بنكر وهل انتو هيك ... اعطوني تفسيراتكم كونكم كائنات فضائية رجالية

الزوجات شاركوني اكيد قلوبكم مليانة أسى من الحالات التقلباتية هي

وللامانة امر بحالات فضائية مش تقلبات ... عادي بيتحملني و بعذرني لكني صادقة بقلو حبيبي انا متنكدة ومزاجي قالب هيك بدون سبب او بسبب وبذكر السبب او بقلو ملانة من امر معين او او

لكن مابنكر وازا انكرت بضل ورايا كل يوم لغاية ميعرف وبكون مصر انو في اشي وانا مخفياه

ليش لما انا اساله بطلع مخبولة ؟

وآسفة للازعاج

__________________

{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه