مشكلتي مع زوجتي الله يهديها
السلام عليكم ورحمة الله
كل عام ونتم بخير
بإختصار بقول لكم المشكلة وان شاء الله نلقاله حل عندكم
انا متزوج عندي ولله الحمد خمسة اطفال زوجتي تعمل في مجال التدريس طلبت مني قبل فترة اشتري له حاسب آلي تتعلم عليه وقلت له هذا جهازي عندك تعلمي عليه قالت لاابغى جهاز خاص فيني وبعد مشاكل ووجع راس اقنعتني بشراء الحاسب الآلي وشتريته له علشان تتععلم عليه وبنفس الوقت يفيده في مجال عملها المهم بعد فترة طلبت مني أني اخليها تددخل الانترنت وتتصفح قلت له الا هذي ماقدر اخليك تدخلين الانترنت إذا بتدخلين الانترنت تعالى استخدمي جهازي ورفضت قالت ابغى في جهازي قلت اجل معصي ماريح ادخل انترنت ابدا إذا بتستمعلين الانترنت نستعمله سوى وأنا مارفضة الا لعدة أمور
اولها : إذا صرت انا وياها ندخل في الانترنت وكل واحد لحاله معناه فاتوة الهاتف دبل وحنا يالله على قد حالنا
ثانيا: آخاف تجلس على الانترنت فتراة طويلة تنسى الأطفال وتهملهم وتهمل بيته بسبب الانترنت ويما سمعنا عن قصص ومشاكل صارت بين الازواج بسبب الانترنت وأهما اهمال البيت
ثالثها: هي غيورة جدا ولما تشوفني اتصفح منتديات وتشوف اسماء نساء تقول ليش انت تتكلم مع الحريم مهب عيب مدري كيف ورد عليها بأن مو كل ماتشوفين اسم في المنتدى أني أكلمها انا ماكلم احد انا بس إذا شفت موضوع ومشكلح وحلها ممكن يكون عندي اشارك فقط
رابعا والأهم أني آخاف تهملني انا بعدين وتصير مشاكل بيني وبينه تاصل لاسمح الله للإنفصال
فا وش الحل بنضركم يالأخوان هل استمر بموقفي وارفض إني اخليها تستخدم الانترنت بحرية
ام اخليها تستعمل الانترنت تحت رقابتي
صدقوني كل بين فترة وفترة يصير نقاش حاد بيني وبين أم العيال بسبب هالموضوع والصراحة ماودي أخسر أم عيالي بسبب هالإنترنت مع أنه سبق إنه طلبتي مني أني امتنع انا عن الانترنت والتصفح ولا ادخلها البيت بالمره ورفضت الشي هذا بالمرة لأني ماقدر استغني عنها ابدا وخصوصا أن الانترنت هي جزء من عملي اليومي
ياليت أحصل حل لمشكلتي بإسرع وقت لأن في كل مره يصير نقاش اتهرب أني استمر معاها فيه لعلها تنسى الموضوع لكن الي يصير بالعكس كل مالها تصر عليه وتتمسك فيه
التعديل الأخير تم بواسطة VIP2992 ; 20-11-2004 الساعة 01:15 AM