السلام عليكم ورحمة الله وبركاته
اتمنى مااحد يضحك على موقفي وحتى لو قلتو سخيف لكن جد حزت في خاطري شوي وقهرتني
امس زوجي دخل البيت معاه كيس فيه تشوكلت باتشي
وجاب معه بودره هوت تشوكلت << والله تشققت وناسه وقمت عملت الهوت تشوكلت لي وله
واليوم العصر قمت عملت قهوه ووضعت معاه علبه التشوكلت وتقهوينا
علطول ارسل الصوره حق اخته الصغيره
بيني وبينكم مكان ودي يرسل صوره لأحدمو حابه احد يعرف عن حياتنا وايش نعمل <<العين حق ،
المهم قلت له :
اي عاد اختك تحب هذا النوع من التشوكلت قال ايه صح تحبه
بعد ساعه قام وراح عند اهله واخذ العلبه معاه
واعطاه اخته لانه تحب هذا النوع
انا جد انقهرت قلت له مايصير كذا تهديني شي وبعده تعطيه اختك !!!
حز في خاطري والله
ليه يعمل كذا
صرت احس انه يفضل اخته عني ؟
_ صدق مايصير انا حطيت مثال لنفسي مثلاً جبت له عطر واستعمل منه بس رشتين وبعدين اخذته وقلت له بروح اعطيه اخوي لان العطر هذا يحبه اخوي << صح راح ينقهر ويزعل .

__________________