زوجي تغير علي بعد ولادتي
(زوجي تغير علي بعد ولادتي )
السلام عليكم ورحمة الله وبركاته
الله يسعد اوقاتكم بكل خير ...
راح ابدأ على طول انا متزوجة لي سنتين و9شهور او10
قبل شهرين رزقني ربي باول مولود المهم فترة نفاسي قضيتها عند اهلي وزدت على الاربعين يوم شهر
لان اهل زوجي وصلوا من مدينه ثانية وانشغل معهم
المهم طبعا ماطلعت مع زوجي الا بعد شهرين كنت في هالشهرين مشتاااااااااقة حيل له وكل يوم اتخيل كيف بتكون اول ليلة نلتقي فيها .. المستغربته ان زوجي ساكت انا اللي قلتله اشرايك نطلع بكرة قالي تمام خلاص بس الولد خليه مابيريحنا قلت لا مااقدر هذا ولدي وماابغى اشغل احد فيه ومابرتاح وهو بعيد عني
قالي خلاص جهزي اغراضكم وبكره اجي اخذكم
لما طلعنا ووصلنا البيت كان الوضع عادي ... انا توقعت بيكون مشتاق لي قد ماانا مشتااقة لكن
تفاجأت بالعكس او اشواق بس جدا قليلة طبعا طفلي معي فانشغلت فيه واعطيته الحليب ولما بديت ارفعه عشان يتجشأ قالي زوجي انتي ماتعرفين واخذه من يدي وبدا يرفعه ويقولي خواتي وامي يسوون كذا وكذا انتي ماتعرفين اختي تسوي كذا وكذا لاولادها .. انا وقفت بس ابتسم وقلبي من جوو مقهوووور وموجوع على اسلوبه هذا قهرني وخرب علي كل اشواقي
شوي ونام ولدي .. وبدا زوجي يطلبني وفي ذي اللحظه بعدت نفسي عنه وسحبتها لاني كنت زعلانه بجد من اسلوبه وحتى لو اعطيته اللي يبي ماراح افيده بشي لان نفسيتي تغيرت ومزاجي تعكر
هو تفاجأ من موقفي هذا لانها اول مره تصير معنا استغرب كثير ... وحاول يعرف وش فيني لين قلتله واعتذر مني ولانه مانام من الصبح مع العمال راح لسرير انا هنا بدا يأنبني ضميري ولاني احبه مايههون علي ينام وهو زعلان رحت وبدلت ملابسي ولبست احلى شي وجيت عنده حصلته نايم بديت اخاف وقلت نومته وهو زعلان حاولت اصحيه وصحى واعتذرت له قالي عادي ونام
اليوم الثاني عطيته اللي يبي لكن اكتشفت اني بعد الولادة صرت اعاني من رطوبة وافرازات كثيرة
صار زوجي مايطلبني مره .. يعني لنا شهرين بعيدين عن بعض وماطلبني الا مره وحده
انا انكسر قلبي وحسيت بحزن
ومن بعدها احس ان زوجي يبعد عني صار ينام على سرير وانا انام مع ولدي في سرير وماعنده مشكله حاولت اتقرب منه جلست معه في السرير قالي ارجعي مكانك بمزح
صار هالشي يتعبني كثير اشفيه زوجي تغير علي كان يستقبلني باشواق حاره قبل الولادة والحين صرت شي عادي عنده ... المشكله ان شووووووقي له ماانطفى بس ماااحبيت افرض نفسي عليه
انجرحت كثير من هالموقف وصرت اذا طلع ابكي لين اهدى شوي حاولت اكون جريئة معه لاني خجوله
حاولت اتغير في لبسي بس انا والمشكله انه هوبعد خجول خاطري نستقبل بعض باحضان مانقدر
صرت الاحظ انه يهتم ويشغل نفسه بالولد اكثر مني ...
المعذرة طولت عليكم .. لكن حبيت افضفض واخذ بنصايحكم لاني مو قادرة اشكي لاحد
وترى بعد صارحته قلت يافلان اشبكك في شي قال لا عادي مافي شي سألته مرتين ونفس الجواب
انتظر ردكم جزيتم الخير
(تم تعديل العنوان ليتناسب مع المضمون)
التعديل الأخير تم بواسطة مدن السلام ; 20-04-2014 الساعة 10:21 AM
20-04-2014, 12:59 AM
ضوابط المشاركة
العرض الشجري