كيفكم ياغلى الناس
والله من الصباح وانا عند بناتي ماتحرك من عندهم
ياربي تحفظهم لي من كل شر
الله يسعدكم ع التهنئة والله اني افكر فيكم وانا بالحضانه
بالنسبه للغاليه لي قالت ع الاسماء والله مو انا لي اخترت اسم ابوهم واسم اخترته امي
توي الحين احط راسي ع المخدة من اصحى الصباح وانا عندهم الممرضات كرهوني كل شوي رايحه ولي جهاز يدق اسوي حاله عشان يجون خاصا اركز ع وقت نظافتهم عشان انظفهم بنفسي
جوري الله يحفظها والله تسمع صوتي تحس تعودت من الحين علي بس تطالع فيني لا جيت اغير لها ولا اخذها بحضني وكانها تقولي ابيك يامي خذيتي معك قلبي يتقطع ع احجامهم الصغيرة اتمنى يكبرون بسرعه ودي اشغل خدامه بالمستشفى وبقسم الحضانه اهم شي اكون بقربهم
بس للاسف بطلع بعد يومين صح بروح لهم كل شوي بس مو زي لي هنا بالدور لي تحتي وباي وقت اقدر اروح
اخاف عليهم من الممرضات لمن يشيلونهم وخاصا صغار اما اذا بكوا قلبي يصير حطام ماتحمل
هيفا ارتاحت عند ابوها وشالها يمكن ساعه بيده وصار قلبي حن للاب رغم المشاكل لي بينا بس اطالع فيه اشوف فيه بناتي واحس اني ودي احضنه يطيح لي بصدري
مدري وش هالشعور
حبيباتي ياخالات بناتي لا تنسوني من دعائكم بالله عليكم خلوني في قلوبكم ع طول مثل مانتم بقلبي وبعقلي

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...