أنا عضوة جديدة بالمنتدى الرائع كنت اتابعه يوميا بصمت والله انه منتدى راقي جدا والاعضاء هون كانهم اسرة وحدة ماشاءالله يارب يضل المنتدى عامر بوجود الجميع ولاتشغلنا الحياة عن مساندة بعض هون..
حبيبتي كنافة انا كنت مخطوبة لشخص نسخة من زوجك لهيك حاسة فيكي كتير والله وكل لما اقرأ موضوعك كنت ادعيلك من خلف الشاشة بس هلا ماقدرت لازم اشارك بدعواتي للجميع هون بينكم ..
حبيبتي كنافة هدي حالك انتي عم تقهري بحالك وسدقيني هوي ولاعلى باله ويمكن كابر وعند اكتر هلا بعد ماسبتي البيت.. الجأي لربنا وحكمي عقلك
وقلبك وحطي بنتك بالحسبان ولاتقهري حالك اكتر من هيك صحتك اهم شي بالدنيا ...
انا مع رأي الاخت سهر الشام هلا انتي ببيت اهلك لاتعتبري حالك حردانة او عم تستني اتصاله لا انتي عند اهلك زيارة كم يوم فقط وارجعي لبيتك هاد بيتك متل ماهوي بيته، سدقيني حيتفاجئ برجعتك هيك لانه بباله انه في حرب عم تتجهز خليه يحس بمدى حماقة ظنونه وبمدى بياض قلبك ارجعي بيتك بروح جديدة خليكي فرفوشة لاتهتمي لردات فعله المستفزة خليكي متل الفراشة الي بتسرق الانظار وين ماراحت،، اهتمي بنفسك واتأنقي لإلك لنفسك دلعي حالك قدامه والعبي مع بنتك اركضي معها لعبيها ضحكيها واتجاهليه بس بدون ماتحسسيه انك متجاهلاه لا اوعي مشان مايعاندك ويلتئم عليكي،، البسي واقعدي عالتلفزيون تابعي مسلسل احكيله نكتة او موقف مضحك صار مع حدا اليوم متلا ولو كان كزبة ههه بس مشان تضحكي وتفرفشي وتبينيله انك مبسوطه انتصري عليه بذكاء الانثى خليه يحس انه شو ماحاول ينكد عليكي ماحتتأثري عودي حالك انه تكوني قد ماتقدري مبسوطة بحالك ولو بالتصنع شوي شوي حيصير طبع فيكي هاد الانطباع ،، بس حطي ببالك انه هالتغيير الك مشانك انتي لنفسك ولنفسيتك مو مشانه لاأبدا مشانك انتي مشان ماتخليه ينتصر عليكي بحرب النكد الباردة ،،
طبعا قومي بواجباتك تجاهه كلها على اكمل وجه خليه يحس انه عايش مع حاله بكابوس اسمه حرب وانتقام وانتي برا الحسبة هاي ولاعلى بالك