السلام عليكم
اخواني واخواتي
انا فتاه في مقبل العشرين تزوجت من انسان فيه عيوب ومثل مافيه فيني بعد
وكل واحد مكمل للاخر
لكن هالرجال لم يكن مكمل الا لنفسه كل الاشياء الي اتمناه ولاوحده فيه
زوجي يجمع صلاه المغرب والعشاء ويحلف انو صلاها وهو يكذب ويمكن مايصلي واذا صللاها صلى الساعه 11 او 12 بدون عذر
المرا السابقه كتبت موضوع يريد زواج عشقيته رحت لااهلي يومين وبعدها جاء وتفاهم مع ابوي
ورجعت معه ،جلس اسبوع لايوجد عيوب وبعدها انقلب صرت لاخرجت يهاوش ويلعن ويسب كل يوم خرحه للعلم مرا بالاسبوع اخرج
وغيرها من المشاكل وقله العقل قبل امس يقول انتي مقصره مع اخواتي ويعلم الله ماقصرت مع احد
قلت له وش قصرت فيه ؟؟قال كذا مقصره قلت ماربي خلقني عبده عندك وعندهم حتى ادور رضاك ورضاهم
بنفس باليوم باليل نمت علي سريري وتعبانه وحامل واحاول انوم بنتي عشان الروضه قام قال جيبي الشاحن قلت معليش تعبانه ومافيني حيل قام يسب ويلعن والبيت هذا مافيه احترام
امس الصباح سوا مشكله من عدم
وهو بالعمل دق لاقال لاتسوي غدا بتغدا مع اخوياي حسبت حساب بنتي فقط
يوم جاء قال ليه ماسويتي قلت كلمه وسخه )وقلت علي كيفك مرا سوي ومرا لاتسوي قمت ودخلت المطبخ بجهز له شيء قام يسب ويلعن البيت ويقول هالبيت وسخ قلت بيت ابوك يعني ابوك وسخ ؟؟قال ابوي وسخ ؟قلت انت سبيت البيت وراعيه والي في البيت مااحترمت احد وكلمه مني وكلمه منه قال انتي طالق طالق طالق ارتحت منك من اول ابي ارتاح
قام بياخذ الجوال بكلم امي سحبت الجوال من يده قلت انا اعلم اهلي موب اسلوبك هذا تدق تعلمهم
:::::::
اخواني واخواتي هذي موب اول مرا يطلق ثاني مرا المرا الاولى رجعني بنفس اليوم وماعلمت احد
هالمرا يقول انقلعي ل اهلك وش التصرف الصحيح بهالموقف ؟
عندي اختبارات ماراح تخلص الا بعد اسبوعين ؟
بنتي والي ببطني كيف اتصرف معاهم ؟
اكلم ابوي ؟؟للعلم ابوي متفهم لكن امي دايم تنتقص فيني وتهزا فيني وتسب فيني ؟
اكلم امه ؟واعلمها ؟
انا ماابيه؟بس هالطفله والي ببطني هم الي قاطعين قلبي ؟
اطلب يرجعني بشرط يخرج من البيت ؟