السلام عليكم ورحمه الله وبركاته

مشكلتي أني اكتشفت زوجي يخوني عن طريق الايميل شفت رساله باعث لبنت محتوى رسالته كان كلام حب وانه مشتاق لها واجهته انكر في البدايه وبعدها اعترف لي وتاسف وقال أعطيه فرصه حتى يثبتلي انه تاب صدق سامحته وحاولت انسى كل شي وابدا معاه من جديد واعطيه فرصه لكن وبعدهااكتشفت صدفه ان عنده حساب في الفيس بوك وعنده بنات ظايفهم كثار انا استغربت منه ليش يخوني بعد هالحب بكل بساطه يخون انا من ناحيتي ما قصرت معه بشي وكنت احبه جداً وهو بعد فماتوقعت انه يخون بعدها ومثل العاده تأسف ويريد فرصه والله كنت أحس أني احترق هم وضيق لا يوصف وبعد فترة اكتشفت انه يشاهدالأفلام الاباحيه وزادت حالتي سوء انا بصراحه ماكنت افتش من وراه بس سبحان الله كل شي يأتي أمامي صدفه واكتشف بخيانته الحين صرت اشك فيه ولا أحس براحه ذبحني التفكير والشك صرت أفتش تلفونه ولابتوبه كل مره انا تعبت من الشك ودي أعيش مرتاحه ولا أفتش من ورآه واراقبه تعبت وخايفه من الخيانته من جديد ودي أعيش حياتي بدون شك حاولت أني ما المس شئ يخصه بس والله غصب عني أفتش انا أحس أني ضايعه ودي أعيش مرتاحه البال تعبت من الشك صرت مااعرف شو أسوي عشان ارتاح وأنسى خيانته