جزاكم الله خير

بنات حاجه مهمه نفسي تركزون فيها وتفيدوني بطرقكم وافكاركم للتخلص منها

النفسيه السيئه كيف اعالجها دايم مزاجه معكر ع طول يبكي يختلق اي سبب عشان يبكي
مثلا لو اعطاني حلاو افتح له او فشار فجاه الاقيه يصيح امي فتحتيه غلط قطعتيه ويرميه ويصيح بقوه كان احد معذبه
مزاجه سئ للغايه

لو كان يلعب مكعبات وصلح شكل معين وطاحت منه يجلس يصيح ساعه ساعتين ماعنده مشكله ويجلس يصول لعبتي خربت ومناحه مايهدا له بال

حتى السيكل وهو راكب لو جاء بيلف وفيه حاجه قدامه عطلته ماينزل يشيلها لا يبكي وانواع الصراخ ويبطل يلعب انه خرب جوه

يعني تعبت من هالنفسيه الصباح لسه نقول بسم الله اول مايفتح عينه وين ابوي اقوله بالدوام لا مو بالدوام بابا رايح ع السياره ويطلع يشوف سياره ابوه واذا ماحصلها يبكي ليش مااقومني واخذني

المشكله الحاجات اللي يبكي منها يوميا هي نفسها مادري ليش مايمل ويقتنع انها خلاص طبيعي

ابي حل لكثر البكاء مع العلم برى البيت لو طلب حاجه ومارضيت اجيبها مثلا بالسوق ويبي لعبه وقلت مامعاي فلوس مايبكي لما نكون بمكان عام مايطلب العاب احد ولايتجرا ياخذ حاجه ماهي له عكس البيت تمام كل شي حقه

مايعطي اخوه لو قطعه من حلاو وياليته بس مايعطيه ينزع الشي من يد اخوه ويصارخ كل شي لي انا وهذا سريري وهذا تلفزيوني وهذي لعبتي اكره الاسلوب الاناني واخاف يكبر معاه

برى البيت يوزع ع كل الاطفال حلاو ونادرا يعطي ل اخوه ويلعب مع الاطفال واذا جاء اخوه يلعب يرفض يقول لااحد يلعب معاه تراه يخرب اللعبه

يلعب مع بنات اخته ويضربونه ولايحبونه ومايخلي اخوه يلعب معاهم مع انهم مايلعبون معاه كل شوي يعضونه وياذونه ومايدافع عن نفسه اذا رجعنا للبيت قال انا قوي بضرب اللي ضربوني بكره


فيه ضعف شخصيه وتردد في قراراته يمكن واكيد انا لي دور بسبب جهلي في تربيته ومعترفه بغلطي بس مازلت مصره اتعلم في سبيل اربي رجال افتخر فيه ويكون سند لي في هالدنيا

انا اصلا مالي الا رب العالمين ثم هالولدين عسى ربي يحفظهم لي صبرت ع الهم عشان خاطرهم الله يحقق املي فيهم