رد : فضفضة زوجة أولى
هلا عزيزتي نور الايمان
التقيت باخت زوجي الخميس الماضي اقرئي ردي اللي في الصفحة السابقة الرد رقم 100 تفاصيل سريعه
الحمد لله انه الله مسخرها لي ودائما بتدافع عني وبتحكيلو لو تلف العالم كله ما بتلاقي مثل اخلاقي وجمالي ورقي ونظافتي واهتمامي فيه وبالبيت واولاد
لكنها ما بتقدر تعمل شي ما بتمون عليه ممكن تنصحه لكن بيعمل اللي في راسه بالاخير
1 - اخو زوجي ماشي معاه وبيروح معاه عند الثانية وحكتلي اخته راح يتزوج اختها للثانية تقولي شبكة
لكن اخوه لو تزوج عادي كبير بالعمر واولاده بيشتغلو وزوجته مريضة ومامن مستقبلهم
2 - شعور القهر والظلم والغبن وشعور بالغصة من زوجي لما قالت لي ترى زوجك ناوي يسافر الم0000 بعدين ويتركم انت واولادك قصدها مستقبلا
عارفة انه الله يغير الحال وما فيه شي بيضل على حاله ويمكن ما يصير شي من اللي بتحكيه
3 - فيه عندهم شوية اراضي ببلدهم حكتلي شكله ناوي يبيعهن ويصرفهن على الثانية وانه الثانية مو صابرة عليه الا لانه بيضل يحكيلها نفس ما بيحكيلي راح ابيع الاراضي وراح يتحسن حالنا وراح نبني بيت وشكله بيحكيلها نفس الكلام علشان هيك صابرة عليه وهي شايفة انه وضعه المادي سيئ والحين عليه شيكات للبيت الاول والثاني واذا ما دفعهن راح ينسجن
4 - وكمان لما حكتلي انه ناوي يتزوج الثالثة مسيار
هون حسيت اني جالسة اتاجر بتجارة خسرانه وانه عمري كله ضايع على واحد اناني ومريض نفسي
عرفتي الحين ليش مو قادرة اتخلص من مشاعر القهر والغبن والظلم
لما اشوف زوجي مستهتر ومش حاسس بالمسوؤلية
واولادي راحت السنة عليهم وهو ما حرك ساكن
5 - من يومين شرا قمصان جديدة القميص الواحد 100 درهم لما حكيت لاخته انجنت حكت كيف بيجيله نفس يشتري قمصان جديدة علشان يلبسها للخانوم ويروح ينبسط معها واولاده لسه ما دخلهم مدرسة
6 - انا خايفة على الاولاد ليل ونهار على النت والواتس وبيجيلهم صور ومواقع بخاف تكون مش مفيدة او سيئة
مع اني بجلس معاهم على الفطور والغدا والعشا
ومتابعه صلواتهم
دائما بحط سورة البقرة في البيت يوميا على اللاب توب
بحكي معهم قصص مفيدة
لكن الاب غير موجود
البيت عنده فندق وبيتنقل من مغامرة لمغامرة
انا وين من حياته
انا شو في حياته
مربية لاولاده فقط بدون مشاعر بدون احساس
ليش بيتعمد ييتجاهل كل حقوقي فيه
حتى لو كان ما بيسوى درهم وهو هيك فعلا
لكن اولاده محتاجين له ولجلوسه معهم
7 - عزيزتي هل من العدل 4 ايام هون معنا بحكم شغله ما بنشوفه غير ساعة وحده في الليل وبينام وبيطلع لليل لحتى نشوفه
وما بيجلس غير ربع ساعه من هذي الساعه بيتعشى وبينام على طول
نظامه بيروح خميس جمعه عندها كامل وبيرجع من عندها السبت الظهر على شغله على طول وفي الليل بيجي على 12 ساعة بيتعشى وبيرجع ينام والصبح بيفطر وبيرجع يطلع لليل وهيك لاخر الاسبوع
والخانوم مخصصلها يومين كاملين راحة بدون شغل قصدي خميس وجمعه واكيد وناسه وطلعات ومطاعم طبعا شوفت الصور بالموبايل هو وهي بيتسوقوا بالمول
هل هذا عدل هي 48 ساعة معاها على مدار الساعه
واحنا ساعه وحدة في اليوم وكله شغل بشغل
وين حقوقنا احنا
حقي كزوجة
حق اولاده
__________________
انا لله وانا اليه راجعون
التعديل الأخير تم بواسطة متفائلة بالله35 ; 09-11-2013 الساعة 11:49 AM
09-11-2013, 11:47 AM
ضوابط المشاركة
العرض الشجري