سلام عليكم

بداية احب اقولكم اني كنت بدور من زمان على منتدى زي دا ومدخلتش المنتدى الا لما شفت نشاطه والمشاكل اللي فيه ولاقيت فيه صدق من الناس اللي بيشاركو ,,عشان مطولش عليكم انا بصراحة جاية من منتدى تاني نسائي لا داعي لذكر اسمه انا بحب المنتدى دا اوي ولما بشوف فيه اي قضية عن زوجة عايزة تتطلق او مشاكل مع زوجها بحزن كتير جدا وغالبا معظم المشاكل واحدة ومشتركة بين النساء مش عايزة اقولكم اني كرهت الرجالة من كتر اللي قريته بس بعد فترة حسيت بجد بمبالغة من الستات مش مبالغة في كلامهم مبالغة في احاسيسهم وانفعالاتهم لدرجة اني عملت موضوع فيه انه لازم نشوف طيب الرجالة بتعمل كدا ليه او اكيد هما مش بالشكل دا واحنا فاهمين غلط طبعا قوبلت بهجوم شوية,,بس فيه بردو وافقني انا مش جاية هنا عشان الاقي الجنس الاخر يقولي ايوا احنا مظلومين وانتو نكد وانتو وانتو وانتو انا جيت لاني لاقيت هنا ناس استشاريين وعندهم خبرة انا عايزة اعرف فين الغلط؟ هل الرجالة بتستهبل؟ هل الستات اتغيرت والرجالة ثابتة في نفس القالب اللي اتربى فيه ابائهم واجدادهم؟ ولا هل الاتنين بيستهبلو؟ يارب الاقي ردود منطقية ومشاركة من الجميع وربنا يصلح حال البيوت كلها