مشاكلنا كثرت وأفكر في الإنفصال (( مستجدات في الرد18))
السلام عليكم ورحمة الله وبركاته
طبعا انا ملكت على بنت خالتي قبل سنه وعشرة أشهر من الآن
وقتها أنا كنت طالب بالجامعة، مقبل على أخر ترم في الدراسة
وبعدها سنة تدريب
كلمنا خالتي وبنتها إن ما نقدر نسوي الزواج الإ بعد الوظيفة
قالوا لنا طيب و تم الآمر على خير
أنا تخرجت من شهر 8 وللان ما لقيت لي وظيفه و الحمد لله
طبعا في وظائف في القطاع الخاص، لكنها أبدًا ما تساعد على
اجرائات الزواج من تاثيث شقه وايجار وليلة العرس
ما عندي الا أنتظر وظيفة حكومية وآخذ قرض
الوظيفة أحسها مطولة على بال ما تجي
البنت كنت أحبها من الطفولة، وأول ست أشهر من الخطوبة
كانت مثل العسل، لكن بعدها مشاكلنا كثرت من فوق ما تتصورون
تقريبا كل شهر مشكلتين، هي من النوع إذا صارت مشكلة بيننا
تغلق الجوال وتروح وهذي الحركة مرة تقهرني، عشان كذا
مشاكلنا تجلس بالاسابيع، في وحده من المشاكل إستخارت في فسخ الخطوبه!!
قبل عشرة أيام زرتها، انبسطنا في الزيارة مرة، واصلا كل زيارة الصدق احلى من الثانية
بس المشاكل تعبتني و تعبتها، آخر مشكلة صارت بيننا أمس تكلمني وهي تبكي
بس هي ما وضحت لي، وفي وسط المكالمة ناداها أخوها وحطت الجوال
من غير ما تقفله و خاله بعد كذا أخذت جوالها وكلمتني وقالت لي
ايش اللي بينكم؟ البنت ليش تبكي؟
أنا ملاحظه من زمان تعبانه؟ كل شوي أشوفها تتكلم معاك وتبكي؟
فهمتها إنها مشاكل بسيطه بيننا، وجلست تدعيلي وتدعيلها
البارح ارسلت لها على الوتس ولكنها مثل العادة ماردت
وكلمت أمي إني خلاص ما عاد أبي بنت أختك
طابت النفس
ما قدرت أنام الإ بعلاج الحساسية لانه يجيب النوم
بشكل عام أنا متضايق معاها وماني مبسوط
في الفترة الأخيرة أحس إني مو اهل اني اتزوج
وأكون رب أسرة
((ودي ننفصل وارتاح، من هم الزواج ومن هم المشاكل))
اكثر من شخص من اخوياي
سوو الملكة وبعد سنة او 8 اشهر فسخوا الخطوبة
واحسهم مبسوطين ومرتاحين بلا زواج بلا هم
آه بسسسسس
26-10-2013, 10:19 AM
ضوابط المشاركة
العرض الشجري