انا اتمنى كل شي
1
الاحترام الحقيقي مو بس قدامي واذا راح عند زميله قطعني! .. يعني ابغى حتى عند غيري لو قالوا فيني شي يدافع او اقلها يسكت مو يجلس يتبوسم وقلبه يرقص وناسة!

2
يكون متسامح لان طبيعة البشر مافيه احد كامل واكيد بتصدر مني اخطاء . ما احب اللي يشيل بقلبه.. يقول تذكرين العام يوم تقولين كذا .. هذي النوعية ما احبها ابد ابد.

3
متفهم.. يعني اذا طلبت منه شي مو متعود عليه مايقول لا وبس ويسكر على الموضوع.. لا ابغاه يناقشني ويقنعني او اقنعه.. بالعربي يقتلني الشخص اللي يشوف نفسه انه رجل وخلاص يمنع زوجته.

4
احبه يكون صاحب اسرة.. يعني يحب اسرته ومهتم بزوجته وعياله.. ويكون شبابي يسافر فيهم ويطلع وكل ويك اند يفاجآهم بشغلات جديدة يضحك وفلاوي ..

5
احبه يكون كريم جدا و عزيز نفس مترفع عن سفاسف الامور.. يعني مايحكي باعراض الناس او يحسد او يناظر لفلوس غيره ..

6
احبه يكون ملتزم مو شكلا.. لا ابغاه يكون من الداخل..

اذا كان كذا انا بعطيه عمري كله .. وقبل مايقول طلباته بلبيها له
غير كذا لا