أول شي و أهم شي ..


*. صلاة زوجي + دينه و خوفه من الله.*

ما أعرف إيش الحل معاه ؟
و الغريب إني ما اكتشفت من بداية الزواج ..

كان يكذب علي و كنت أصدق ..
لكن زاد حاله أكثر الآن ..

.
.

الفرق :

إنه زمان كان يصلي ( خوف من أهله و أبوه ) ..

فلما علمته إنه يكون شخص واثق من نفسه ، و ما يخاف من أحد ..
قام أخذ الشي هذا ، بشكل سلبي على نفسه .. يعني ما صار يهتم بأحد ..

أنا أبغاه يصلي ( خوف من الله ، و عشان ربنا ) ..

.
.

ردة فعلي ؟

مرات أطنشه ، لإني شفت أهله كيف يعطوه محاضرات عن الصلاة ..
و هو ما يتأثر أبدا ،، بالعكس ، يتهرب عشان لا يسمع محاضرات دينية ( تعبأ منها و طفش ) ..

لكن بعد تطنيشي له ، أجي أكلمه في وقت هدوء .. أو مرات أرسل له رسالة بأسلوب ما ينفره ..
لكن متضايقة ، و أشعر باليأس ,, و الحزن عليه ..

كنت زمان أزعل و أعصب مرة .. لكن إيش النتيجة ؟
( لاشئ ) ..

فما أعرف ، إيش الحل معاه ؟

ما صلى صلاة العيدين ، بسبب النوم أو الشغل ..
الجمعة كمان مو دايما يروح ، بحجة النوم أو الإنشغال ..

يعني هو يضع أعذار لنفسه من راسه .. و ما أشعر أبدا بداخله أي خوف من الله بسبب تأخيره الصلوات
أو اهمالها ..

.
.

مرات أعصب ،
و لو كنت صاحية الفجر .. أخليه يقوم يصلي غصبا عنه .. حتى لو بيعصب و يتنكد ..
لإنه مصيره راح يرضى ..

.
.

بس مليــــــــــــــــــــت ..

أخاف ربي يسخط عليه ، و يعاقبه و نحن نتحمل النتايج لا سمح الله ..

.
.

يقول إنه يصلي ..

بس شايفته مهمل ..

.
.

زوجي من يوم كان صغير ، و هو ما يفارق الحرم النبوي ( هذا اللي قاله لي أبوه و أمه ) ..
و كان يحفظ القران مع شيخ ، و أول واحد من الأولاد يروح التحفيظ .. و يحفظ السور كان ..
أمه و أبوه مستغربين من تغيييره ؟ و كان جدا هادئئئئئئ في طفولته و مراهقته وكان خجول ..

و أنا عارفة سبب تغير زوجي ،

و لإنه زوجي قالي ، إنه وصل لمرحلة لما كان عايش مع أبوه ( إنه يكره القران ) ..
بسبب إجبار أبوه له بحفظ القران ، و حرمانه من النوم و كل شي لحد ما يحفظ ..
و يحبسه بغرفة و لازم يحفظ و لو شافه أبوه نايم ، يكب الموية في وجهه ..