بص انت لازم تتعامل مع الموضوع بحكمة , يعنى هى متعودة على كده من صغرها وأهلها مش معترضين على كلامها مع قريبها وهو بالنسبالها ابن خالها وزوج اختها وده مخليه زى اخوها الكبير, يبقى مينفعش توصلها انك عايز تتحكم فيها أو انك تفرض رأيك عليها أو انك لما تبقى مراتك هتمنعها عن عيلتها وتحدد حياتها لأن لو وصلها الشعور ده تبقى مشكلة كبيرة أوى , المفروض انك تعمله هو انك تكلمها بهدوء شديد وبالراحة تقنعها ان علاقتها بيه بالطريقة دى متنفعش لانه أجنبى بالنسبالها , ولازم تحاول توصلها بكلامك انك مش عاجبك طريقتها معاه لأنك خايف عليها وبتغير عليها وساعتها هى هتعمل اللى انت عايزه وكمان هتبقى حاسة من جواها بغلاوتها عندك ومش هيبقى فى حد فى الدنيا دى عندها اهم منك ... وربنا يتمملكم بخير