السلام عليكم ورحمة الله وبركاته*

جميل إذا حزن منا وضاقت به ؛يتذكر إخوان وأخوات في السراء والضراء معه.*

عني مدري ليش كتبت هو استشارة ولا مشكلة ولا فضفضة " كل شي ملتخبط مثل حالتي.*
الموضوع ومافيه عندي اختبار بعد 10 أيام ولا
أدري عن شي رحت للمكتبة جبت كتب عشان آذاكر وبما إني عارفة نفسي جبت كم كتاب اتنفس فيهم عن الكتب العلمية. *
اكره نفسي الاختبار متحدد من شهرين يعني المفروض إني خلاص مستعدة ؛لكن للأسف ضيعت وقت بحجة رمضان عبادة وبعده أهملت صارت عندنا مناسبة ولا استعديت.*
بقولكم مايدور برأسي ودي أجل الاختبار لكن*
فيه مشكلة ماراح يتحدد موعده إلا بعد سنة.*
والوالدة راح تزعل مني ضيعت فرص كثيرة.*
مشكلة محبطة ومكتئبة وحزينة وكل قواميس اللغة ما تسعفني. في شي مدري عجزت اصف حالي الكتب قدامي والمواقع وماقصروا الطلاب المختبرين نزلوا الأسئلة والعالم متحمسة وأنا..............؛
أغلب وقتي نايمه ؛ مابي أقوم إذا قمت أضيق*
أخذت منوم عشان أنسى طاري الاختبار. *
هذه الحالة ماهي جديدة علي من زمان؛الاختبارات عندي رعب أمي جزاها الله خير ماتقصر لكن الحين والله فشيلة خلاص كبرت والحالة ما تفارقني. (الحمدلله ربي ساترها صح تعدي ؛لكن أبداً ماكنت راضية عن نفسي*
أقدار أجيب أفضل ؛ والضيقة هذه تخرب علي كل شي. *)...*
نفسي أصاير ريلاكس على قولت وحدة من الاستاذات الله يذكرها بالخير يابنتي خليك ريلاكس. طيب كيف مابيدي. وين ينباع الريلاكس. *
المشكلة فيني والعلاج بيدي أعتبره فضفضة. *
عبارة على احد الكتب المفروض يزيد الحماس عندي لكن العكس يوم أقراها.
(طريقك إلى الماجستير والدكتوراة يبدأ من هنا ).. إيه.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.