سؤالك يدل على انك مهتم بالماديات بشكل كبير جدا وتعتقد اعتقاد جازم انها امور ضروريه في الحياه
يا اخوي انت غرقان بحياة المدنيه وتركض ورى المظاهر وابشرك مهما يزيد راتبك ما راح تحقق اللي بخاطرك*
لانك تطالع بشي ما تملكه وان ملكته فكرت بغيره وتستمر بنفس الدوامه مثل حال الكثير من الناس

حلك يا طويل العمر القناعه والرضا بما كتبه الله لك وطالع اللي تحتك ولا تطالع اللي فوقك ( بس مو معناها انك تتحبط بالعكس اطمح بعقل وفعل )*

الفكره تعتمد عالتوفير ومشكلة الغالبيه ما يعرف يوفر*
في طريقه عجيبه للتوفير بعطيك مثال بس للعلم صعوبتها بالبدايه بعدين تصير سهله لما تشوف رصيدك يزيد*
نفرض اني شاب واهلي وضعهم المادي جيد ولله الحمد وراتبي 8000 ريال*

اول شي ما احط علي اقساط نهائيًا*
واشتري سياره مقبوله*

بعدها ينزل راتبي 8000 كشاب ايش عندي التزامات ؟
بكل بساطه ولا شي*
1000 ريال بنزين ومصرف جيب و1000 ثانيه للاهل وللملابس*
والملابس طبعا مو على طول اشتري بالعكس اخذ شي قليل واستخدمه سنين

وما في مانع يجي شهر واكسر الحسبه اسافر مثلا بالراتب او اشتري شي بخاطري*
بعدها اعوض

وتكون عندك تجاره بسيطه تدخل لك شهريا 2000 ريال تغنيك انك ما تلمس راتبك

وشهريا تقدر توفر من 6000 الى 8000 ريال لفتره بسيطه بعدها تنطلق من غير ما تمد ايدك لاي مخلوق
وطبعًا لا تنسى زكاة المال والصدقات*

وطلعاتك تصير للدواوين ( ابلاش )*
واكل من البيت غالبا او ساندويش وشاي بو ريالين*

وجوال ابو ليت ب100 ريال كافي جدا

بالعربي تغير اسلوب حياتك لين توصل لهدفك وتعدل وضعك يجيك شعور بالغنى والقوه ورصيدك مليان ما تنتظر الراتب

اما ان وقعت بفخ الماديات والمظاهر راح تنفقر طول عمرك

*