اخوي ابو مريم
بارك الله فيك وتقبل الله منك صالح الاعمال يارب
تدري كل اللي ذكرته قلته لزوجي من ناحية الزياره اتودد له بس ماينفع معه عنيد
وإذا قال كلمه مستحيل يثنيها ومره سويت نفسي زعلانه لأنه من كثر الزن عليه سويت نفسي زعلانه وجا ء من نفسه وقال وشفيك ابي اشوف عيالي ووافق وفرحت وغلطت لاني فرحت بقوه قدامه وشكرته المفروض اني ثقلت شوي ومابينت اني فرحانه وبعد كذا غير رايه وكل اللي ذكرته لي قلته لزوجي انت ريح نفسك امي بتاخذني وبرجع من نفسي ماراح اطول او إذا راح لصلاة التراويح ينزلني واذا خلص ياخذني رفض
مدري ليه يعاملني كذا صعب الله يعين
زوجي عادي عنده الطلاق مايهمه طلق قبلي ثلاثه وقالي البنات واجدين روحي لااهلك اذا زعل بسبب حاجه تافهه
اكثر اصدقاءه مطلقين او متزوجين وعندهم رغبه بالتعدد واحد من اصحابه مطلق عشره حريم وتزوج والاخيره مرتاح معها
الله يعين

امي ماترضى عليه وتهاوشني علشانه لان لسانه حلو معها امي مبسوطه عليه لأنه صالح
اخوي ابو مريم عرفت شخصية زوجي وكيف التعامل معه الله يعين عليه
يجي بالمدح مثلا إذا قلتله فلانه تمدحك يستانس والحين ماشيه على نظامه في كل شي

__________________
《اللهم استودعتك أطفالي الذي لا تضيع ودائعه》