السلام عليكمورحمة الله وبركاته
انا عندي مشكله مع زوجي
اول شي زوجي نمط شخصيته جنوبي بحثت بالنت قالو انه عاطفي بزيلده ولا تجيبين له طاري الحريم يمكن يتخيلهم واكثر ناس يخون الجنوبي
المهممن شهر تقريبا عرفت انو عندزوجي جوال ثاني بسيارته وعرفت رقم الشريحه
طبعا انا انهرت انهبلت انجنيت
بس ماقلت له شي ماغير اجيب له سوالف عن الخيانه واهو يعصب يقول ماحب السوالف اللي تجيب وجع الراس
ابيه يحس ويخاف بس للاسف
المهمصاير من يطلع عندي يصير متصل وبالساعات
وانا ابكي واصيحولا طلع من الواتس >بجواله اللي محبيه عني
ارتاح شوي واذا دخل اصيح وعلى هالحاله
بقولكممواصفات زوجي الكويسه واللي مش مويسه
كويس معاي رومانسي بكلامه مايناديني الا حبيبتي ولا طلبت شي قال ابشري ي قلبي
بس من عرفت بجواله الثاني صرت افكر لا قال كلام حلو لي. اقول شكله يقوله لكل البنات اللي عنده
وصرت مارسل رسايل رومانسيه خفت يرسلها لهم
حتى اهو يقول ماحب ترسلين يوميا. امل قلت اوك وبعدها خلاص
كريم مو بخيل مطفر بس لا صار معه شي عطاني
ساكت من يجي ماسك جواله تويتر واتس انستقرام
نااادر مايسولف. ولا لقلق عليه احاول امسك لساني بس ماقدرً
يدخن
طبعا لما عرفت انهبلت وبغيت انجن وواعدني يتركه والله العالم صادق او يكذب
ولا عصب سبني وسب اهلي بس نادر مايعصب
اهو يكتم يكتم بعدها ينفجر ويقول كلام يقول اذا تراضينا وربي ماحس بنفسي
هذا اللي اتذكره
المهم نرجع لموضوع الخيانه
دوام زوجي يوم كامل بالدوام ينام هناك
ولا راح للدوام يقول يالله تصبحي على خير بنام الساعه 12 بالليل. وتخيلو يتكي بحواله الثاني لحد الساعه ثلاث ومايطلع متصل اربع ساعات !!! وانا انهار اصيح اصلي الوتر و ادعي ربي له بالهدايه
المهم من يومين
تخيلو خذ رقم اختي وصديقتي وكلمهم بالواتس
يقول انا اسمي خالد عمري 25 من الدمام ممكن نصير اصدقاء !!
مغير اسمه والمنطقه
تخيلو لما كنت رايحه اجيب الغداء ماسك جوالي وجواله وحسيته ينقل شي
عورني قلبي
ليه مدري وربي لما طلع صرت ابكي من ايش مدري بس حاسه فيه شي
بعد ساعه تكلمني صديقتي تقول فيه رقم مزعجني انا قلت بس هذا اهو قلت اعطيني رقمه ببحثت بالنمبر بوك ويصير رقم زوجي الثاني ومن قهري ماعاد دريت وش اسوي كلمت صديقتي اصيخ اقول هذا رقم زوجي
وقلت لاتحذفي المحادثه وصورتها وارسلتها لي
المهم تقول قلت له انقلع يالوسخ عساك تشوفها في حرمتك وبناتك. وانا ولد. قالها اسف وحظرته
وبعدها اختي لما جيت عندهم تقولي ان فيه واحد مكلمني قمت انتفض قلت مين قالت مدري حذفت المحادثه بس مصوره رقمه قلت وريني ويصير زوجي
بالله وش يبغى ذا باختي وصديقتي
المهم تقول هالسالفه من يومين وحظرته بس سبحان الله ربي فظحه عندي
طبعا انا حامل الحين ومابي اتطلق وماقلت لاهلي حاجه. اهلي يحبون زوجي مررررره وماقد تشكيت لهم يحسبوني عايشه بنعيم
انا الحين مادري وش يبغى بالضبطماكفوه البنات اللي عنده وش يبغى باختي وصديقتي
شي غريب ومحير !!
المهم انا كلمت استشاريه وقلت لها عارفه مكان الجوال وبسرقه قالت انتبهي اذا سرقتيهاعرفي انكم بتفترقو بيقلبهاعليك بيقول ليه تفتشين وتاخذينه بدون اذن وووو
تقول لا واجهيه قولي ي فلان اناعارفه انو عندك جوال وعارفه رقمك ودريت انك تكلم اختي وصديقتي وش تبغى توصله بالضبط
قلت بيقول انتي شكاكه لاني اعرف زوجي مخليني اني اشك واوسوس وشكوكي بمحلها بس مسوي عاقل
قلت لازم دليل لازم اواجهه وعساه يصدق بعد
قالت لا انتي قوليله خله يعرف انك عارفه وبس بكيفه عاد
بس ماقتنعت لو قلت له بيكذبني ولا بيقول ايه قالت لي خلاص بيصير يتمادى
مدري وش اسوي
اللي زوجها شخصيته جنوبي ويخون وعقل تقولي حل ولا وش اسوي
ساعدوني الله يفرج همي وهم الجميع
اخر التطورات
تو اختي تقولي انه اتصل عليها الرقم وماردت لانه قبل كان ع الواتس يكلمهت بس حظرته
مابي اروح معه كرهته والله. وش يبي هذا
لا حول ولا قوة الابالله العلي العظيم
اللهم اجرني في مصيبتي واخلف لي خير منها
19-06-2013, 03:55 PM
ضوابط المشاركة
العرض الشجري