(مميز ) تمرجحي يـا طفلة الصبح ~ بـشويـش
تمرجحي .. يا ( طفلة الصبح ) بشويش !
و [ الحلم ] بالك بـ.. الحـزن , تقتلينـه ~
.
.
.
.
لو حلمك ؛ ألعاب .. و .. مخدة من الريش
[ تمسكـي بـه زيـن ] .. لا تفلتيـنـه
من عاش ما له حلم.. وشهو له يعيش؟
~~~~~~~~~~~~~~~~~~~~~~~~~~~~~~
في مشهد متكرر
جميلة : بنااات .. شفتوا نوال تراها مطلقة ...!
أحلام : لالالامو معقول يختي مررة شكلها مبسوطة و مو باين عليها ..!
مشهد آخر
جميلة :تصدقون .. أماني فسخت ملكتها ..!
أحلام : تستهبلين .. البنت محلوة ووجهها منور احسبها قرب عرسها ..! 
مشهد آخير ..
جميلة : أحلام تصدقين مشاعل عمرها 36 وللحين ما تزوجت ..!
أحلام: سبحان الله على انها فلقة قمر ماشاء الله و فوق هذا عاقلة و كاملة الأوصاف و الكمال لله
غريبه ليه ما تزوجت ... وين الخطاطيب عنها
يختي الرجال مدري وش يبغون ما يملى عينهم الا التراب >>> 
في مثل هذه المواقف .. كثير نصادف في مجتمعنا ( جميلة )
لكن لا وجود لـ ( أحلام )
عارفين ايش السبب ...!
لأن بعض المطلقات و المتأخرات عن الزواج وقفوا حياتهم و بنفسهم
بسبب موضوع الزواج و التفكير فيه .. و فقدان الأمل منه
طيب ليه يا بنات ... ليه يا صحباتي ... ليه يا كل مطلقة و متأخرة تقنطين
و تيأسين .. و أحنا كلنا ندري ونعرف اننا أنخلقنا عشان غاية أسمى من كذا كّلنا ...!
كثير أصحى الصبح مروقة بدخل أتثقف في منتداي الحبيب ألآقي بعض المواضيع
بتتكلم عن الزواج .. و حتى فيه بنات ينزلون مواضيع وما عاد نشوفهم
> يمكن على الصامت >
ويمكن فقدوا الأمل
من الردود القاسية و يمكن ما يبغو يفتحو الموضوع عشان ما يتذكرون
و يمكن ويمكن ويمكن .....آلخ
~~~~~~~~~~~~~~~~~~~~~~~~
في هذا المتصفح أبغى نتجمع كلنا عشان نتغير للأفضل
الموضوع يا صديقاتي بعيد كل البعد عن التفكير بالزواج
يعني أتمنى من الكل ... عدم ذكر أي موضوع للزواج أو الدعاء بِه
أو برنامج معين الغاية منه الزواج نهائيآااا
هاذي الزاوية لصاحبات الهمم .. للمنطلقات بكل قوة نحو الحياة
و الأفضل
هي دعوة للتغير الجذري لحياتنا ... بما يرضي الله
نكتب آمالنا و أحلامنا ... ونسعى لها عشان تتحقق
نكّون لنا هدف ديني ودنيوي ... نساعد نفسنا ونفضفض عن سلبياتنا
و نحاول نصلحها مع بعض ... نتكلم عن هواياتنا وننميها
نعزز إيجابياتنا ... ونكون أفضل وأجمل وأحسن بكل شي
حبدأكم أنا بس قلت أكتب مقدمة بسيطة عشان تفهموا مقصدي
بهاذي المقدمة البسيطة
أنتظر تعليقاتكم
مودتي .....
__________________
الوعي هو الملاذ ..
أستغفر الله العظيم ؛
( الفردوس غايتي )
التعديل الأخير تم بواسطة مدن السلام ; 19-02-2014 الساعة 11:42 PM
14-05-2013, 10:03 AM
ضوابط المشاركة
العرض الشجري