السلام عليكم ورحمه الله وبركاته
بدون مقدمات راح ادخل بالموضوع على طول
زوجي يراسل بنات وبينه وبين وحده مكالمات مو كثير هذا مااكتشفته بنفسي
انا هنا بديت اكره حياتي لاني حسيته مستغفلني وانا فاهمه كل شي انا عايشه للحين معه على اخر درجه من التغابي مسويه نفسي واثقه به وانه الشخص اللي مستحيل يخون ..انا مابي امدح نفسي واقول ماقصرت معه لالا .. بس كان يجيه قبل شك وياخذ جوالي ويفتشه ويمسح ارقام عللى كيفه واذا مااعجبه الوضع كسر الجوال ماعنده مشكله وانا الحمدلله ماانا راعيه هالحركات وهالمكالمات..فهذا اكثر شي قاهرني وابليس كل شوي يمر علي ويقولي انتقمي وعلميه ان الله حق هو اللي يخون ويجي يشك بي ,, وربي قهررر حسيت حياتي بها مذله هذا شعوري اطبخ وانظف وملابس جاهزه واكل جاهز واقابله بنفس زينه واخرتها يخوني مع وحده ماتسوى كيس ملح ووحده كشفها ربي لي تتغزل به بموقع اجتماعي وان شاءالله ناويه لها نيه بس بصبر عليها شوي
بعد هالفضفضه اللي فوق عندي هالاستفسارات وابي ردودكم من كل الطرفيييين عسى ربي يوفقكم ويسعدكم بحياتكم ولاتذوقون القهر ومر الخيانه
تساؤلاتي
وش اللي يدفع الزوج للخيانه لحد يقول تقصير الزوجه ..حنا نشوف تقصير واهمال وقله احترام مع ذلك مانلجا للخيانه ولله الحمد وعسى الله يثبتنا ..
الشيء الثاني لمثل حالتي تحرون الصراحه تنفع ولا التغافل حلو ولا الطلاق احلا
لان وربي هاللحظه اكتب ومتساويه عندي كل شي .. ماعاد يرعبني الطلاق
من مرت بمثل تجربتي او مر بتجربه خيانه وبرايكم وش الحلول الناجحه والفعاله اللي تبعد الشخص عن الخيانه
وهل الطلاق حل للي كرهت حياتها مثلي وماعاد تحس بطعم الحياه الزوجيه
صحيح بيكون فيه ضحيه .. بس الصبر مررر.. لاني احبب العيش وحيده بلازوج قاهر لي بالخيانه وبالاصح كرهت الارتباط برجل ,,
اعذروني على الكلمات المتقاطعه واللي طلعتها بعفويتها لعلها تخفف ولو شي يسير مما بداخلي لان اصعب شي على الانسان الكبت واكيد الكبت يولد الانفجار ...اسال الله ان لايكلفني في هذه الحياه فوق طاقتي وان يحييني مادامت الحياه خير لي ويميتني ان كان بالموت راحه لي ,,
21-04-2013, 02:06 AM
زوجي يخونني
ضوابط المشاركة
العرض الشجري