رد : الزوجه العنيده
يابن الحلال ارحم نفسك من الي انت فيه
انت بتعيش عمرك كله على رأي الناس , انا سويت كذا وفعلت كذا وصح ولا غلط ....الخ
اخوي فارس مها قلب المؤمن دليله انت عارف وحاسس باشياء مهما تقولها لاحد ماراح توصل له احساسك
شوف انت شو عايز واتخذ القرار لاتفكر بعاطفتك اوزن الامور بالعقل , وسوي الي انت عايزه بشخصيتك واسلوبك
بغض النظر انك بهذلت البنت وبهذلت نفسك , انت عايش بصراع مع نفسك مو بفرحه مثل اي مخطوبين وازواج
ممكن لانك حبيتها عجبتك شايفها جميله ماترضى تتخلى عنها , بس كل هذي المشاعر فترة وتزول وتبقى المحبه والراحه النفسيه والاستقرار
ومن اول ماكتبت الموضوع ماني شايف تطورات ايجابيه او تحسن , كل هالفترة كيف تغمض لك جفن وكيف مرتاح الله واعلم
الزواج ماهو كذا ياخوك , 1+1=2 , ياراحه وسعاده مع بعض ولا هم وغم ومشاكل
وانت كل هالفتره مشاكل الله يعينك ويصبرك , والكتاب واضح من عنوانه اذا بدايتها كذا الله يستر من اخرتها
وعارف ان البنت مغصوبه عليك قالتها لزميلتها واهلها اقنعوها , وممكن عندها طموح للدراسه وماتفكر بالزواج , مو مغصوبه عليك لانك مش تمام , انت رجل والف من تتمناك بس شوف رزقك بحتى تانيه
انت مندفع بمشاعرك وهيا العكس مشاعرها وتفكيرها كله بالدراسه مو زواج ومسئولية
كل المشكله هنا انتو عكس بعض , بس انت تعاني اكثر لانك حبيتها وعاجبتك
تنتهي مشكله , تنفتح مشكله , طيب ليه كذا , هوا دا الزواج برأيك مشاكل وصراعات...؟
والبنت ماتحبك ولاتكرهك مشاعرها نحوك عاديه, لانها ماتفكر مثل اغلب البنات بالزواج والاطفال هي تفكر بالدراسه وماتبغى مسئولية , وانت العكس دام انها زوجتك يجب انها تحبك وكل ماتسوي شي تتصل عليك وتقولك فين حتروح وفين حتجي, كلنا نبغى دا الشي بشريك حياتنا , بس هيا مو متحمسه للزواج ولاتفكر فيه مو بيدها , اغلب الي تسوي ضغط منك وممكن تسويه بدون نفس
الله يجبر بخاطرك وييسرها لك ويكتبلك الخير
التعديل الأخير تم بواسطة الهدوء عنواني ; 19-04-2013 الساعة 09:42 PM
19-04-2013, 09:37 PM
ضوابط المشاركة
العرض الشجري