السلام عليكم ورحمة الله و بركاته

بنتي فوز الشهر الجاي ان شاءالله بدو يصير عمرها 3 سنين

اكيد منكو من تزكر ايام ولادتي لها و لما دخلت المستشفى وبيقول يا الله مرت الايام

ايه والله هادا احساسي

وياخوفي ماحد تزكر ومعطيه نفسي الاهمية عالفاضي

المهم الحمدلله شهر 10-2012 نظفت من حفاضة النهار ماشاءالله عليها شطورة

شهر 11 حاولت انظفها من حفاضة الليل

جلست 4 ايام نظيفة

وبعدين بدأت الاحتفالات

تعملها 3 مرات في الليلة
وكل يوم صارت 4 ايام ورة بعض زي هيك

مع اني كنت اقلل لها السوائل قبل النوم بفترة

واصحيها بعد النوم بساعتين عالاقل

ولكن فوجئت بانها صارت تعملها بعد النوم بساعة واحيانا ساعتين

ولما صرت اصحيها بهالوقت رجعت تعمل الفجر

المهم كان الجو بدأ يبرد فقلت أأجلها للحر تكون كبرت خلص

بديت انا من حوالي اسبوع

من الاحد الي فات للخمس نفس الشيء نظافة تامة

كنت اصحيها 3 مرات في الليلة

والان رجعت لنفس الانتكاسة

لها تلات ايام تعمل كل يوم وااااخ من البهدلة والتغسيل والتحميم في نصاص الليالي
وكمان الصراخ فوق مهية قاهراني كمان الاخت تعيط ههههه

احتضنتها واحتويتها عشان ماتتازم

اخدت كل الاحتياطات من سوائل و تفاهم الخ الخ

وهي النتيجة زي مقلتلكو

مشكلتها نومها تقييييل ماشاءالله عليها

اغلب المرات تعملها و تضلها نايمة


طيب شو اعمل معها

صارت 3 سنين و العرسان بداو يدقو الباب

بجد انا شو اعمل معها؟؟؟

ارجع البسها الحفاضة؟ولا البسها الحفاضة كاحتياطي واصير اقومها تروح الحمام

و يمكن مع الوقت تتبرمج على ضبط نفسها؟
مع العلم في النهار ماشاءالله تبارك الله

تمسك نفسها كتير كويس و الضبط والتحكم موجود

لكن يبدو ان المشكلة في النوم الثقيل والله اعلم

شو اعمل دلوني الله يجازيكو خير

__________________