ما أدري أنا اشوف لو رحت لهم البنت بتتكبر عليك أكثر .. وكمان ما حتستفيد كثير طالما النسوان هم اللي يديرون البيت وألاب شكله ما له أي كلمه ..


لذلك لو قررت تروح اقترح عليك تجلس مع الأب فقط .. مو تتصل فيه وتقول له أنا جاي أجلس معاك لوحدك ... لما تروح عندهم اطلب ..

وقبل أي شيء استخير .. لا تنسى الاستخارة .. في كل أمورك ..



ويا ريت لو تنسى موضوع قعدة البنت معاك .. يا أخي مو غصب تقعد جنبك .. لا تصر أبدا .. ولا يكون من ضمن شروطك .. بس ممكن تقول مثلا أحسها ما تثق فيني وأنا مو طالب غير أننا نتقرب من بعض روحيا وفكريا ... انس مسك الأيد واللمس وسوالك يعني إذا صار شيء يعتبر زنا .. بالله كيف قدرت تقوله .. مو حلوة منك .. أتمنى ما تكرره!

إثقل إثقل إثقل .. ما في داعي تحسسهم انك مستعجل وما تصبر عليها ..

حاول تأجل العرس ... ( شوف أول موضوع لك بتاريخ كم كان .. بنكمل سنه قريب وانت بعدك واقف مكانك .. ما تغير أي شيء .. وهذا المفروض يعطيك فكرة عن مدى قابليتها للتغيير)

وإذا قدرت تتحكم في أعصابك وتتكلم بهدوء وما تنفعل وتتكلم بأسلوب حلو أذكر كل اللي منزعج منه لكن بدون ذكر مواقف .. مثلا موضوع تدخلات أهلها .. المقارنه بينك وبين زوج أختها .. عدم الاحترام ..

لا تقول انته قلت وهي قالت وحماتي قالت .. لكن تكلم بشكل عام ووصل الرساله .. مثلا .. أنا لي شخصيتي وأفكاري وطريقتي وأمكانياتي .. وحعيش في هذه الحدود .. والقناعه مطلوبه .. ما أقدر أني إقارن حياتي بحياة غيري واقلد الناس لأنه كل واحد عنده طريقته الخاصة في إدارة حياته .. الخ


خل يكون عندك شخصية .. وتحكم في أعصابك .. ما يصير يستفزونك وانت تعصب وترمي كلام وبعدين تضطر تعترف انك غلطت وتعتدر .. ويمسكوها ضدك كل ما صارت مشكله ..