السلام عليكم
يا اخوانى الامور تبدلت الان
امها عاودت الاتصال مرة اخرى
الحمد لله :::امها قالت لامى سنأتى اليكم ان شاء الله
...
والله لا اعلم ...فأمها قلبت من الماضى والحاضر
لتقول لها ينفع ابنك يقول لبنتى كذا وكذا
ينفع ابنك يعمل كذا وكذا
ينفع ينفع
وبعد كل هذا تقول لامى والله لو ما لهم نصيب مع بعض حاجتكم ما هتنقص قشاية
...
من ضمن الاشياء ::تقول ..ينفع فارس يقول لمها الطرحة الحمراء اللى انتى لابسها دى بتفكرنى باللى اتقدمتلها قبل كدة وغيرها ؟؟
ينفع يقول لها هضربك و حتى لو بيهظر يا ام فارس
ينفع يسألنى فى مرة يقوللى انا لو لا قدر الله حصل بينى وبين بنتك حاجة هل تسمية زنا
ينفع واحد ملتزم يشيل عندة مجلات فيها صور متبرجات
ينفع واحد ملتزم يقول لخطيبتة انا كان فى واحدة قبل الالتزام اعرفها وكانت بتجيبللى مذكرات وكلمتنى فى التليفون
ينفع يقول لها ماتخديش عند المدرس الفلانى عشان لسة شباب
....
من الوهلة الاولى للكلام فعلاً على رأى الاخت داماس
انا حسيت انى مذنب
لكن لو راجعت الكلام والمواقف هتلاقى كل موقف لة حالة معينة
طيب لو حبينا نقلب الترابيزة
انا اجيب مواقف انقح من دى
اولاً لما حكيتلها على حكاية البنت ...
كنا بنتكلم فى التليفون وانا لما لقيت منها اعراض و خجل زائد كدة شكيت انها ممكن بتحب واحد ثانى والكلام دة والله كان فى اول ايام الخطوبة ...
فأنا قلت اختبرها ..
قللتلها انتى عمرك حبيتى يا مها قبل كدة
قالت ازاى يعنى
قللتلها انا هقلك انا فى مرة كنت فى الكلية وكان معايا واحدة وكانت كلمتنى فى التليفون وكانت جابتللى مذكرات وكدة
هى قالت بص هو فى موقف كدة حتى بابا والله ولا ماما يعرفوة ولو عرفوا هتبقى مشكلة كبيرة
قللتلها لا عادى احكى
قالت بص هو كان فى واحد وكان عايز يتقدمللى وبصراحة انا شفتة من البلكونة وانا حبيتة عشان اخلاقة والتزامة وادبة وكدة يعنى ..
سألتها ورفضتوة لية
قالت لانى كنت لسة صغيرة ..
مع العلم انى كنت سألتها قبل كدة انتى كنتى تحمللى بفارس احلامك يكون شكلة اية
قالتللى مفكرتش فى الموضوع دة قبل كدة
وانا بصراحة لو عايز اقتص منها واخذ حقى ممكن اقول الموقف دة
لكن عشان اثبت انى مقتنع ان الزواج مش حرب ولا رابح وخاسر عمرى ما هقول على حاجة زى كدة
حتى لما هى قالت لابوها على اللى انا حكيتهولها ...
بقولها طب ما انا ممكن احكى انا كمان
تقوللى اصلاً انا ندمانة انى قللتلك وعلى فكرة دى حاجة بتحصل لاى بنت
....
المهم انى اختى جلست معاى اليوم
فضلت تأنب فى وتقوللى والله ما هتلاقى بنت زيها
دى مؤدبة ومحترمة وممكن ربنا يعاقبك بواحدة تبهدلك و تقرفك
حرام عليك لما تدخل بيت وتكشف عوراتة وبعدين تسيبهم وتمشى
انت هتبقى مرتاح وراضى
؟؟؟؟
والله اليوم مسكتنى تقوللى والله ربنا ما هيسيبك تظلم بنات الناس ...
انا والله خايف من كلام اختى وامى ..
حتى هما ما يناصرونى ولا يقفوا بجانبى ودائما يقولوللى انت غلط
اصبر عليها احتويها ..
واختى تقوللى انا يمكن كنت زيها فى فترة خطوبتى
وكنت ادلع على زوجى وكنت اثقل علية وكنت اعمل زيها
وهو كان يحتوينى وكنت بحبة
ولكنى ما اعتقد انى اختى كانت مثلها انا كان سنى صغيرة فعلا لكن ما اتذكر انها كانت مثلها