رد : هناك شعور لايحكى ولا يبكى ولا يكتب..هو يؤلم فقط!
أبي أتكلم إذا ممكن..
بقول موقف واحكموا
نوروني الله ينوركم..
اعرفوا وضعي بالضبط؟؟؟
السالفة
بس بقول نقطة توضيح..
أنا وحده أحب أحط عبارات وأغير صور الواتس بإستمرار
مرات تشمل دعاء..مرات خاطرة منتقاه تعبر عن شعوري
مثلاَ مثل عنوان موضوعي!
واحط صور عادية جداً مافيها عري ولا إغراء
حتى وجه النساء ماأحب أحطه..أكتفي بإالهام الصورة
كظل مرأة أو يدينها وماشابه
المهم الصور مافيها قلة أدب أبداً
زوجي من يوم يومه مكتفي بعبارة دعاء ماغيرها إطلاقا
وصورة رمزية عادية جداً نادر يغيرها
الحاصل
هو دايم ينتقد أي برودكاست مني لدرجة طلعت من قروب عيالي بسببه
مايشارك وكل ماشاركت إن حطيت حديث قال العيال وش فهمهم
وان حطيت نكت قال بس نكت!
فدايم يعلق على توبكات الواتس اب والصور
وفهمته كثير إن كل اللي عندي نساء ويسوون زيي
قال لو أحد حافظ رقمك بالغلط رجل وشاف كذا
والناس وتفكيرهم بيقولون وش فيها هواوية وزوجها مو مالي عينها!
أحترمت رأيه بس أنا ماحطيت شي مخل بالأدب
ورقمي مايجيه إزعاج ولا قد راسلني أحد لو بالغلط!
أقتنع بالليل والنهار أرسل رسالة لي
انو هذي تصرفات قليلات الادب الغير محترمات
والمفروض أحترم زوجي ومن هالكلام..
ففورا قلت يابنت الرجال مايمل مشاكل وبرأسه شر
غيرت بنفس اللحظة...وحطيت صورة عادية..
من يومها وأنا حتى أصبع حرمه ماأحط
ياورد يامنظر طبيعي ياصورة عادية والعبارات حاولت تكون دعاء
بس بطبعي أغير بإستمرار...
جاء اليوم سألني قال :بسألك سؤال..قلت :آمر
قال ليش طلعتي من قروب العيال؟
أنا تلبكت..السالفة لها شهر..نسيت عذري
عطيتها بوجهه..قلت دايم تنتقد كل شي أرسله
ولا تشارك...القروب مايحييه إلا أنا..فشريت راحت دماغي
قال: طالعة بسببي أجل لاترجعين!
عيالك أهم من الغرب والناس...
ويفتح سوالف ثانية غير السؤال! يعني شرق وغرب..
أنا زوجك لمن أنصحك خذي بكلامي ونصحي أعلمك اللي يبيض وجهك ويخلي الناس تحترمك....الخ..
والواحد ينبهكم لحرصه مايحط شي يخلي الناس تتكلم عليه( يقصد الواتس اب ونكاتي)
قلت الحين يعني أنت مثالي!
ويرجع يكرر كلامه!
قلت الحين وشو له هالسالفة تعيد وتزيد فيها!
مو غيرت ومن يومها وأنا ماأحط صور من هالنوع!
يعني سمعت كلامك وطبقته أو ماسمعت لابد تلحقني ملامه!
قال مايهمني إن شاء الله تحطين صورة (( كلمة وسخة ))
وتكتبين ابي زيه!
أنا أصلاً بديت أشك فيك
طلعاتك للسوق!...( طلعاتي للضرورة ومعي بنتي طولي!)
وأوقات أطلع تنفيس يعني وين أروح إذا هو طالع مع ربعه
وماعندي أحد أروح له! أقعد بالبيت شهرين ثلاثة ماأحتك بالعالم!
والليزر
أنا مسويه ليزر لجسمي
لمن طلقني تعرفون شعور اللي تحس زوجها عافها!
قمت أعدل أي شي فيني..
كنت تاركه هالشي لانه يبي ميزانية
بس لمن طلقني قلت ليش أحرم روحي وأقدر وضعه
فبديت أسويه وهو بنظره وشو له الحين ولمين
لأنه ماعاد يمارس شي معي فيشوف هالشي ماله داعي!
ورياضة وحمية!
زي ماقلت أمشي ساعة كل يوم ونحفت تقريباً لليوم 15 كيلو
فيقول وش عندك مهتمة!
قلت أنت مو تطلع كل يوم!
قال ايه أدشر واقا.ح..
أنتِ طقطقة بجوالك من عندك!
قلت كلنا بجوالاتنا وأنت جوالك كل وقتك عليه وش عدا مابدا
( زوجي كان ينتقد أدماني ع النت..بس من طلعت الجوالات الجديدة
وأنتشرت سوالف التويتر صار مع الخيل ياشقراء,الا صار أشد مني مايطيح من يده حتى بالفراش يطقطق فيه لين يدوخ ويجيه النوم)
رجعت أقول وشو له هذا كله!
وليش هالكلام!
صرت أخاف أقعد معك من المشاكل
حتى أتم بفراشي وأنا بخاطري أنزل خوف من كلامك علي..
أنا نازلة طيران أجهز لك قهوة ووضعنا اوكي وشو له هالكلام
صب باقي فنجاله في الصينية قال مانة علي!
قلت مامنيت أنا أعلمك إني مو مسويه شي
الناس يصورون ويحطون صور يدينهم ورجلينهم
ويكتبون تغريدات ورجالهم كل واحد لحيته أطول منه
وانت على صور وهمية تلومني
قال ذابحتك الغيره
قلت مو غيره بس أنا ماسويت شي وانلام والناس ماخذه راحتها زمحد يلومهم
أنت مهمشني ليش تعاتبني وتلومني
لاتحضني ولو طلعنا نمشي سوق تدرعم قدامي ماتشعر فيني ولا في مشاعري على ايش تلومني
قال أنتٍ ماتسوين عندي شي ولا تهمميني
قلت مشكور
ويقوم ورجله تجي في غطاء علبه قال انتِي عندي زي هذا!
طبعاً طلع وأنا قمت صليت الظهر اون قهر على سجادتي
وضاقت الدنيا فيني قعدت بفراشي
بعد ساعة وأقل جاء..وأنا منسدحه بفراشي والغرفة ظلام!
مادريت الا وهو يفتح الغرفة ويدخل..
خفت يقول شي
بس مادريت إلا أنسدح وطقطقه بجواله ونام!
( مو بعادته يطلع فوق للغرفة بس توقعت بيشوف وش أسوي!)
بعد نصف ساعة نزلت..
فنزل بعدي بوقت..
ويتكلم ينتقد مدري ايش
قال تلومون الواحد..وتقولون ليش ينتقد ليش يتكلم...
طبعاً مزاجه طول اليوم خايس عيالي يعرفونه من اسلوبه يجون طيران ابوي وش فيه صاير بينكم شي!
تراني أختصرت كثير كثير أخاف تنتحرون ^-^
12-02-2013, 08:18 PM
ضوابط المشاركة
العرض الشجري