السلام عليكم .... عندي مشكلة ياجماعة انا انسان غيور لدرجة الجنون يعني مابغا زوجتي تتكلم مع احد او تطالع في الرجال وايضا مابغا يبان منها شئ من شعرها او جسمها طبعا زوجتي ماهي عاجبتها هذه الغيرة ودائما تنتقد وتقول انتا غيور جدا وماهي عارفة انه الغيرة ماتجي الا من محبة شديدة واغلب الحريم عارفين المهم انا الان خارج المملكة للدراسة وهي معي وبحكم اننا في بلد اجنبي فااتوقع لبس العباءة ممكن يلفت الانظار الينا فصارت تلبس بناطيل وبلايز طويلة وتتحجب ولكن المشكلة انها تطلع وتحط زينة في وجهها كالكحل والمسكرة وتقول كل البنات يحطون انا طبعا يجن جنوني لانها تختلط مع رجال ومابغا احد يشوف زوجتي وهي متزينة واحيانا يبان شعرها من الحجاب يطلع وكل يوم انا وياها في مشاكل بسبب الحجاب والزينة واحيانا تلبس ملابس ضيقة تبين مفاتن جسمها وكلمتها بالطيب مانفع وهي تقول انتا غيور مرة وكل البنات عادي يلبسون مع انه فيه بنات يلبسون عباءة ملونة وهيا طبعا تقول مستحيل البس عباية فصراحة انا هذا الوضع مضايقني واصبح يؤثر على دراستي بسبب كل يوم مشكلة عشان الحجاب ماتعرف تضبطه او تحط زينة او ملابس ضيقة فطفح الكيل معايا مادري اش اسوي معاها هل ارجعها السعودية وارتاح من المشاكل او اش اسوي ياريت تفيدوني مالحل المناسب مع هذا النوع من الحريم وشكرا .