استقيل وأقعد في البيت ؟
بسم الله الرحمن الرحيم
صار لي فترة محتااارة ومترددة في موضوع العمل ..
صار لي 6 سنوات من بدأت اعمل .. وأحس اني تعبت وابغي ارتاح ..
احس ان العمل والدوام بحد ذاته يستنزف طاقة المرأة بالأخص .. حتى لو كان العمل سهل وهين وغير متعب ..
احس ان عيالي محتاجين لي أكثر .. واني بحاجة للاسترخاء .. فأعصابي دايما مشدودة ..
ارجع من العمل 2 ونص .. اصلي العصر وأنام إلى المغرب .. يعني مافيه وقت لعيالي إلا من المغرب إلى وقت النوم .. اشعر بتقصير من ناحية دراستهم وواجباتهم ..صحيح أني أدرسهم وأساعدهم في الواجب بس مش بالقدر الكافي ولا بالاهتمام المطلوب ..
وبنفس الوقت .. هناك مسألة الراتب ..
أنا راتبي قوي ولله الحمد .. والشغل اللي اشتغل فيه يراعوني كثير , لو بنتي مريضة أو لها موعد او غيره أطلع أو اغيب بدون محاسبة منهم ..
خلال الست سنوات زوجي قطع عني مصرروفي لعذر اني اشتغل .. وانا اعذره لأن التزاماته كثييرة أكثر من نص الراتب يروح في الاقساط والديون .. في حين اني رتبي مثل راتبه ولكن ماعلي أي دين ولله الحمد .. كان عندي وسددته بالكامل بعد ماجمعت له ولله الحمد .. أنا تعودت اني اصرف من فلوسي .. واصرف لعيالي واصرف لبيتي وللخادمة ولسفراتنا وغيره ..
عارفة لو استقلت راح تتغير كل هالأمور .. زوجي بينضغط وبتزيد مسؤولياته .. من بعد ما كنت اخد لعيالي أحسن واغلى الملابس .. أخاف هو مايقدر يوفرها ..
غير ان التزاماته كثرة .. زوجي مايساعد نفسه .. يعني لو يحصل مبلغ مايسدد به أحد الديون عشان تنزل وعشان يرتاح من قسطه .. ويبيع ويشتري في السيارات .. ودي تبقى معاه سيارة 3 شهور .. وأنا حاولت انصحه وحاولت انه ياخذ برايي في موضوع الالتزامات المالية والصرف بحكم ان لي خبرة سابقة في البنك وأحس عقليتي المالية أفضل منه .. ولكن يعتبر هالشي تدخل في اموره الخاصة وانه مالي حق ..
طيب انا ألحين أبغي استقيل وهو بعد أحسه يفضل استقالتي ولكن في نفس الوقت كيف أستقيل وارمي عليه حملي وحمل بناتي والبيت اللي أنا كنت شايلتهم عنه وهو مب حاس .. ؟
أنا في حيرة شديييدة .. كنت حاطة ببالي استقيل آخر هالشهر .. ولكن الآن بدأت بالتردد ..
التعديل الأخير تم بواسطة مــريم ; 14-01-2013 الساعة 09:10 AM
14-01-2013, 09:07 AM
ضوابط المشاركة
العرض الشجري