اخوي فارس...

و الله انا فاهمه كل شي تقوله...

لها السبب قلت لك فكر بعقلك... و وقفت عاطفتك الحين...

و الإختبارات ما تنفع يا فارس..

الحياه مب اختبارات...

المواقف هي اللي تبين الشخص اللي قدامك... مب الإختبارات اللي تسويها...

ليش ما تشوف التصرفات بطريقه عفويه و بعدها تبني قراراتك او احكامك؟

كلام صاحبك صح و على العين و الراس... و انا معاك في تخوفك من المستقبل مع مها.. خاصة بعد العديد من المواقف السلبيه اللي صارت منها.... و لكن هذا ما يعني ان نحكم بالفشل مسبقا على علاقتكم....

عموما اخوي الفاضل... انت الحين في قمة غضبك منها... و محتاج تسترخي و ترتاح... طلبي صعب و اعرف هالشي.. بس انت محتاج فترة نقاهه...

محتاج تتصرف حسب الموقف و بدون تكهنات مسبقا عن ردات فعلها.... يعني لا تتوقع ردة فعل معينه منها و بعدين تقول هي ليش ما قالت جي و ليش ما سوت جي...

خل المواقف تبين لك من هي مها...

العرس باقي عليه فتره... و انا طلبت منك مسبقا انك توقف الشغل للشقه في الوقت الراهن... و كان المقصد ارسال رساله غير مباشره لها و لأهلها ان الموضوع تراك مب مستعجل عليه و انك يالس تراجع حساباتك بينك و بين نفسك... بدون ما يكون هذا الكلام صادر منك شخصيا...

و قلت لك خذ فترة 4 شهور و راقب علاقتكم فيها....

طبعا ما راح تتصرف بحكمه في بعض المواقف... و لكن هذا لأنك انسان يا فارس.. و ما تقدر تتحكم في عقلك و تصرفاتك طول الوقت..



تعلم الغموض حتى معاها... و لكن بدون ايصال فكره ان انا ما ابيج يا مها... و لكن بحجة الإنشغال...

و خلنا نشوف الأيام اليايه شو تحمل لك معاها...

انت ما زلت تتكلم عن مفهوم الطاعه... و انت تبي طاااعه تااااااااااااااااامه... و سبق و قلت لك يا فارس... ما في طااااااعه تاااااااااااااااامه من الزوجه للزوج... فراجع سقف الطاعه عندك...

خذ الفتره القادمه و شوف الموقف حسب الموقف فقط... بدون اختبارات... تعرف... خطيبي كان مطلق.. و طبعا الأشيا اللي شافها في طليقته ما يبيها فيني... و هالشي كان متعب جدا.. لأني كنت الاحظ اختباراته لي... و مره قلت له بكل انفعال... انا مب طليقتك... عطني فرصه اثبت نفسي و شخصيتي لك... و كل زوجه لها شخصيتها...

الإختبارات بين الزوجين اسوء شي... خاصة اذا كان الزوج او الزوج ينتظرون ردة فعل معينه من الطرف الآخر في هذا الإختبار و تكون ردة الفعل مخالفه لهذا التوقع...

اصابع يدك مب وحده يا فارس... فلا تقارن مها بغيرها... مها لها شخصيتها... و طليقة صاحبك له شخصيته... و في النهايه... انت ما عشت معاهم في المنزل... فما تعرف شو اللي صار بالضبط بينهم... و ما تعرف هو اصلا كيف معاها في البيت... فلا تحكم على اساس نصائح منه...

اخوي فارس.. ابتعد عنا فتره.. و ابدأ انت اتخذ قراراتك....

اقرا الموضوع كاااامل... و خذ المفيد اللي راح يفيدك في الأشهر المقبله... انت ما شاء الله واعي الآن... و احنا ناقشنا وايد نقاط معاك.. تعرف نقاط الضعف عندك و بعضنا اوضح لك النقاط السلبيه لمها حسب طرحك للموضوع

خطط لحياتك بحكمه... اقرا كيف تحادث المرأه... و ما اقصد هالمره بشكل رومانسي.. و لكن بطريقه تتقبل المرأه فيها الحديث معاك...

و بكل صراحه يا فارس... بعد اخر موقف... احس من المهم انك تبدأ تبادر ببعض الأشيا عندهم في البيت.... مثلا سلم عليها و اقعد جنبها.... احنا نحترم انهم اهلها و قوانينهم... و لكن بعد شوية تطنيش من جنبك لبعض القوانين الغبيه... و إذا احد من اهلها علق... لا تقول اي شي.. لا تتشاجر... بكل هدوء... اسحب نفسك شوي جانبا... يعني على نفس الكنبه و لكن مسافه بسيطه بينكم... بكل صراحه... ما أظن ان والدها راح يجي يقول لك قوم من عند بنتي او يسحبك منها... اهم شي ان المسافه ما تكفي لأمها بالجلوس...


ملاحظه: اذا المسج ما زال مزعلك.. لا تعاتب حاليا.. و لكن رد بمسج مماثل لها... و إذا هي زعلت... قول و الله كنت بمزح... لأني قلت بما انج طرشتي لي نفس المسج فقلت انتي تحبين الهزار... اهم شي اضحك... مب بطريقه سخريه... و لكن ضحك حاول يكون عفوي...