السلام عليكم ورحمة الله
بصراحه في موضوع طير النوم من عيني
انا مملكله ليا 9شهور تقريبا علاقتني حلوه معاه
لكن في كم مره يصير موقف منه مادري هل هو غيره قويه والا شكلك
واخس شي الواحد يتزوج احد شكاك
المشكله
اول مره حسيت بدا الشي وقلتلكم عنه لما كلمت ولد عمي المتربي معانا رديت على الجوال وهو سعني واحنا عندنا عادي وهو مره زعل وتضايق ووعدته ماكرر دا الشي

الشي التاني احسه يتتبعنب في تويتر الفيس بوك يعني اذا نزلت شي يفتح ويقراه
ومره بتويتر لقا صوره قديمه قبل سنه قبل ارتباطي معه صوره تعتبر عاديه نوعا ما وراح قال في موضوع مضايقه وانو الشيطان دخل وشك وكان ردة فعلي قويه زعلت على طول وقلتله لو عندك شي روح لبابا وقابله احنا لسا على البر ومابينا شي
قبل كم يوم اخر زياره له عندي قبل الزواج
اللي صار كنا نتكلم وجا بيوريني شي في الفيس بوك حقه وهو لسا دوبه اشترى من الجوالات الحديده
راح يدخل الباسورد تبع الفيس
راح قلي حبيبتي جوالي جوالك وجوالك جوالي ومره قد لمح انو عادي يمسك جوالي بس قلتله من جد الصور في اشياء خاصه وصور خواتي
المهم لما قلي كدا انا سكتت ماحبيت ارد واتعجل لا اقله اوك ولا لا ويقول اش عندها ماتبغى
بس انا داخليا مابغى ولااحب اعطي احد باسورد ايميلي وفيس بوكي وكدا مو من شي بس حتى مع اهلي مااحب احد يفتح دولابي ادراجي بدون اذن
يعني مره عادي عندي افتحه معاه ونشوف سوا بحسن نيه
لكن كدا خوفني احس انو شكاك وكانو يدور في الماضي

استشرت وحده من البنات اثق برايها قالتلي كلام طير النوم ومن جد خلى قلبي يدق يدق
تقولي في قاعده اللي يشك له سوابق
وتخافي بكره على كل صغيره وكبيره يشك
ولو مسكت التلفون مين تكلمي ولو لقاه مشغول وووو
تقول اسالو عنه اكتر انا الشيطان لعب فيني باقي عالزواج شهر اش اقول لاهلي وهما اول سالو ومهما سالو محيعرفوا الاشياء العميقه
صرت خايفه خايفه
كمان هو مثلا دايما يسالني اش سويتي في يومك
وين رحتي وين جيتي وكنت اجاوبه بكل اريحيه من باب نفتح سوالف ونتحكى

الله يعين ويكتبلي الخير
كلمة صحبتي خلاص احس كسرت شي في داخلي