رد : متزوج من ست اشهر والحمدلله سعيد ولكن؟؟
صدقني وعن تجربة شخصية وتجربة ناس كثيرين عايشتهم على مدى 32 سنة زواج أقول لك الشكل ينتهي تأثيره بعد بدايات الزواج .. ممكن لأنك حاط الموضوع ببالك تظل تتحسر وتظن بأنك لو أخذت بنت بيضا رشيقة بتنبسط أكثر لكن بقولك تجربة اللي أخذوا بنات بمواصفات شكل عجبتهم جدا وبعد بدايات الزواج صار الشكل شيء روتيني مثل ما تشتري فيلا جميلة جدا وتعيش فيها بتظل مبهور بجمالها كم شهر أو كم سنة وبعدا تصير تدخلها مثل ما تدخل اي بيت ثاني
ما أقول انه بعد كم شهر راح تنسى الموضوع .. لا .. لأنك حاطه ببالك ... لكن اقولك أنك لو أخذت زوجة ثانية فيها مواصفات الشكل اللي تبيها راح تألف هالمواصفات وتصير عادية ونفس الشعور بيكون للأولى والثانية وما راح يفرق معاك إلا الأخلاق والتعامل .. هذي هي الأمور اللي صعب تصير مألوفه لأن الشخص اللئيم راح يأثر على نفسيتك بكل موقف جديد يسويه معاك وكل ما تعودت عليه بيطلع لك بمشكلة جديدة تذكرك بأخلاقه وحسن الخلق نفس الشي .. كل ما ألفت خلقه بيرجع يفاجأك بموقف حلو جديد يخليك تحبه أكثر وأكثر .
تعوذ من إبليس .. تراه هو اللي شافك عايش مرتاح وحب ينكد عليك عيشتك ويخرب بيتك .
وموضع الرشاقة تقدر تعدله .. هالأيام في نوادي رياضه ومختصات تغذية تطلع لك جسمها ولا أجمل عارضات الأزياء
ومثل ما تشوف بنات هالأيام البيضا فيهم تروح تسوي تان وتصبغ جسمها بلون برونزي . السمار هو المطلوب هالأيام 
أنت بس تعوذ من إبليس وخل الاستعاذة على لسانك طول النهار وبتشوف كيف شعورك راح يتغير
__________________
22-12-2012, 12:24 PM
ضوابط المشاركة
العرض الشجري