سلام عليكم اخواني خواتي .... موضوعي بسيط جداً وبختصر بالكلام. انا افترقت من زوجتي تقريبا من 8 اشهر وبعد كل محاولاتي مافاد شي وانفصلنا تقريبا من 3 اشهر ... لي بنتين منها ساره وشهد ... المهم انفصلنا وهي عايشة احسن عيشة وناسية العشرة سنين بيننا ولا فكرة بمستقبل البنات ولا اي شي ... توقعت بعد هاي الفتره بتهدا وترجع ولاكن الا اشوفة العكس. انا المفروض ما افكر فيها بس والله حاولت مب رايم اتقدم في حياتي ... حالتي صعبة جدا ما اعرف كيف اطلع من الحالة له انا في لين هاي لحظة اتمني رجوعها ... الكل يقوللي انساها يوم هي مب مفتكره بس شو اسوي ام عيالي افتقدها ... وبناتي له مالهم ذنب في كل هذا ... رجاء يا ناس حد يوجهني حد يعلمني كيف اعيش وشو اسوي ... انا تفكيري وقف مب رايم افكر ... وانا مب مستعد اتزوج مرة الثانية احس بظلم بناتي واحس بظلمها هي ... بعدني متعلق فيها مب رايم اعيش من دونها ودون عيالي ... انا كوني رجل المفروض ما اضعف واتكلم بالطريقة هذي ولاكن شو اسوي مجبور ... ممكن حد غيري يمر من نفس المرحلة ويقدر يفيدني بشي او ينصحني ...