لما أكتشف خيانة زوجي ...
السلام عليكم ...
ضليت ابكي ساعات وساعات والدنيا سودة بعيني من الشي الي شفته ... واحترت احكي لامي او لابوي او لصديقاتي ... لمين احكي ومين ممكن ينصحني شو اعمل ...
ما لقيت الا انتو يا اعضاء المنتدى الرائعين تنصحوني بمصيبتي ...
أنا تزوجت من 4 سنين برجل المفروض انه على خلق ودينه جيد ومن عائلة محترمة ... طبعا وبدون تفصيل للامور ... اكتشفت في بداية زواجنا انه كان على علاقة مع وحدة اجنبية في الدولة الي كان يدرس فيها ... وطبعا كان ناوي يتجوزها ... لكن اهله ما رضيو ..
المهم بعد ما عرفت واكتأبت كتير ، عملتله ليله رومنسية وجلسة حلوة وحكيت معه بالموضوع ... واكدلي انه كل شي بينهم انتهى بمجرد خطبتنا ... ووقتها انا قلتله انه انا رح احاول اسامحك على الماضي ... بس عمري ما رح اسامحك على اي خيانه بعد ما عرفتني ودخلت حياتك ....
ومرة الايام وعلاقتنا كل مالها بتتحسن ... لحد ما اجى يوم فجأة وكان جوزي ناسي ايميله مفتوح ، وشفت ايميلات بتواريخ حديثة من هاي البنت وفيها كلام بلغتها الاجنبية ... لما حاولت اترجمه عن طريق البرامج لقيت فيه شي ما بيسر ... والابلى انها مرفقة بكل ايميل صور لالها وبأوضاع مو كتير مأدبة ... يعني مو صور ترسلها وحدة لصديقها ...
هلا سؤالي الكم ... شو اعمل ... انا حكيتله زمان انا اذا اكتشفت هيك شي ما بضل عندك ولا ساعة ... لمين احكي ... مو حابة اخسر جوزي واولادي ... واذا حكيت لاهلي رح تنتزع صورة زوجي قدامهم ... وما بقدر اسكت واعمل حالي ما بعرف ... افيدوني الله يجزيكم الخير
08-10-2012, 09:26 AM
ضوابط المشاركة
العرض الشجري