السلام عليكم ورحمة الله وبركاته

كيفكم ؟ اخباركم انشاءلله مرتاحين ومبسوطين
قسما بالله ان المنتدى واعضاء المنتدى واحشينني جدا جدا
ليا فترة مادخلت المنتدى عشان مشغول مرره وكذا ف حبيت اسوي موضوع عشان اسلم واطمن على المنتدى واضيف مشكله ونصيحه وانشاءلله اكون خفيف عليكم

نبداء مشاكل اول شي

شباب عندي مشكله صغير
انا الحمد لله بدرس وليا اسبوعين متوظف
ف من الساعه 8 صباح جامعه الين الساعه 12
وانام من 12 الين 4
ومن الساعه 4 عمل الين الساعه 11 وارجع البيت مهدود ومنتهي بس ابا اشوف المخده فين

المهم المشكله ان زوجتي مهي قادره تستحمل الوظع لاني ما اكلمها في اليوم الا 5 دقايق
يعني في اليوم كلو اكلمها 5 دقايق وانام و الموضوع دا ح يستمر تقريبا سنتين ونص حتا اهلي ما اشوفهم ولا اقعد معاهم
يادوب اخلص جامعه وعمل والحق انام
ف مني عارف كيف ازبط الموضوع دا مع انها مقدره وضعي وكل شي بس برضو مايجي معاها اكلمها 5 دقايق


+ نصيحه للي بيتزوج وهوا صغير
ترا شي حلوانك تتزوج وتستر نفسك وانت صغير وانت بطل والله يوفقك وترى منت لحالك ربنا معاك
بس ترا مسؤليه وتعب ومرمطه ومسؤليه كبيره ف فكر الف مره قبل ما تقرر تسوي شي لان والله تعب وانا ما بقول كذا عشان شي بس عشان لا تورط نفسك في مسؤليه انت منت قدها وتطفش بنت الناس وتحط حرك فيها وفي النهايه تندم وتطلق وعشان لا تكون في البدايه فرحه وفي النهايه زعل ومشاكل وهموم

وعن نفسي الحمدلله مني ندمان على اي شي والله بالعكس مبسوط اني معتمد على نفسي وبسوي كل شي بنفسي ومابحتاج احد يساعدني في شي
مع ان الوالد حزنان عليه يقلي سيب العمل وانا اخلص لك شقتك وازوجك واصرف عليك الين ماتتخرج
وانا ما ابغا لان هاذا قراري انا ومحد يتحمل مسؤليت قراراتي غيري ف مني مدخل الوالد في الموضوع
لان لو ما اعتمدت على نفسي وخليت الوالد يسوي كل شي ( اشوف اني اقعد ف حضن امي احسن )
لحد يزعل من كلامي بس ترا دا زواج مو لعب يعني زي مافي اشياء حلوه كثير في مسؤليات كثير
ف انتبهو الله يوفقكم ولا تنسوى قبل اي شي تفكرو تسوه استخيرو الله وماخاب من استخار المولى عز وجل
<<< نصيحه 2
خليني اشوف احد مايرد والله اعصب ترا