السلام عليكم


مو عارفه ابدء بمشكلتي من وين

بس بقلكم اياها من اول واحلف لكم بالله ماراح اكذب ولا اطلع نفسي بريئه بقول الصدق والله اعلم بنيتي واللي بقولكم اياه حتى اهلي ولا اقاربي يدرون عنه لانه فضيييييييييييييييييييييحه احد يدري بهالشيء


اقسم بالله العظيم ماراح اكذب بكلمه


راح يكون موضوعي طويل تحملوووني



انا متزوجه لي اكثر من17 سنه وعندي اولاد وبنات الله يحميهم ويستر عليهم تزوجت زواج تقليدي وتزوجت وانا لسى مراهقه عنيده مزاجيه بسبب تربيه اهلي القاسيه

كان زوجي حبيب وطيب علمني الطبخ والغسيل وكل شي تحملني تحملني بشكل ماتتصورونه كنت اعناده وانبسط لما اشوفه زعلان وكنت كل سنه ازيد وازيد وماكنت شايفه نفسي الا الحرمه القويه عكس امي الضعيفه قدام ابوي

كنت افتخر قدام الناس اني قويه وامشي كلمتي عليه بالغصب بالطيب

اكتشفت بعد فتره انه يكلم وحده من اقاربي وبينهم رسايل وحب وانا ياغافلين لكم الله

كلمتها وهددتها وجاني يقول والله هي اللي تتبلاني وهي تقول هو اللي يتبلاني قطعت علاقتي فيها نهائيا ولي سنين ماادري عن اخبارها وزوجي من حبي له قفلت عن الموضوع واكيد هي الوسخه ونسيت الموضوع

كنت احصله يشوف افلام اباحيه واوجهه يقول والله مالي دخل فيها مو انا اكيد احد غيري
ومرات يعترف ويطلبني اسامحه
وكنت اسامحه وبقلبي غصصصصه



وجات فتره ويمكن شهور اهملني بكل حاجه شكيت له وحسيته بعيد عني قال تتوهمين ولا تسمعين لااحد

بس كنت حاسه انه في مصيبه وانا مادري عنها بس كنت واثقه فيه مثل مااثق بنفسي

كنت اثق فيه لانه صلاته كلها في المسجد حتى الفجر ماعمره ضربني ولا اهانني بكلمه واهلي فوق راسه ويعاملهم بكل حب واحترام ويعامل اهله معامله في حياتي ماراح اشوف مثلها في الاحترام والتقدير

وفي يوم اسود اسود مفجع فتحت لاب توبه وحصلت له مقاطع زانا مع بنت حرام اول ماشفتها جتني رجفه في جسمي وحسيت قلبي بيوقف وقتها وجلست ادعي واقول يارب مو زواجي يارب يارب ودموعي ع خدي واقول يارب مو زوجي يارب مو زوجي فتحت ع المقاطع واشوفه يدلعها واشوفها تدلعه

اااااااااااااااااااااااااااااااااااااااااااه لا تسالوني عن حالتي وقتها شفت الموت

قفلت كل شي ورجعته مكانه جلست مكاني جالسه اقول صدق ولا كذب كل هذا يطلع من فلان وانا غبيه هبله ماادري عن شي تذكرت لما كان يرجع ع البيت في نص الليل ويتحمم اثاريه يتحممممم من وساخه معاها

جتني حاله هستريه قمت كسرت اغراض البيت ضربت اولادي نتفت شعري

بس جلسسسسسسسسسسست اصيييييييييييييييييييح اصييييييييييييييييييييييييح اصييييييييييييييح

واجههته اخذ لاب توبه وطلع بعد ماسود وجهه

اخذت اغراضي وطلعت من عنده وقلت طلقني وكنت صادقه جااء وسلم ع رجولي ويقولي نزوه سامحيني وجالس يبكي
جلست اسبوع لا اكل ولا شرب بس جالسه سرحانه مثل الممجنونه

قال اعطيني فرصه وجلس يحلف انه لايعاملني مثل الملكه بس اسامحه واستر عليه

طالعت في اولادي وش ذنبهم وش ذنبهم بسبب اب حقير وبنت حرام

سامحت وياليتني تطلقت وقتها ولا سامحته

خلاص وقتها قلبي عافه ولا اقدر ارجع ااحبه مثل قبل

بعدها بشهور اكتشفت انه يكلم

قلت وربي لااخونه مثل مااخاني هذا العن العن العن واحقر قرار اتخذته بحياتي
اول مره بعمري ادخل شات




حطيت لي نك حلو ومغري ومن وقتها ضاع شرفي ضاعت حياتي من بعدها تدمرت

كنت اجلس بالساعات عليه كانوا يستغربون اني متزوجه اكيد بيستغربون من المتزوجه العاقله اللي تخاف الله تدخل هالمواقع المشبوهه

وبعدها رحت على موقع بلياردو وتعرفت ع شباب اشكال الوان
طلعت لي شريحه وكلمتهم بالساعات

اااااااااااااااااااااااااااااااااااااااااااااااااا ااااااااااااااااااااااااااااااااااااااااااااااه ليت ربي وقتها شل يدي ولساني وجسمي كله ولا سويت كذا

لكن الشيطان اعمى قلبي وبصيرتي

زوجي شك وشكه كل ماله يزيد ويزيد صار يرجع البيت بدري وفجأه علشان يشوف انا وش اسوي

كان يصحى من نومه فجاه ويمشي بسرعه عشان يمسك علي شي

ياناس اهملت صلاتي وعبادتي ادمنت الاغاني والافلام الاباحيه وانعزلت ع الناس واهملت اولادي ماعاد ادري عن شي

همي النت والشباب كيف ارضيهم

وكنت بمشاكل مع زوجي ولا عاد يهمني وش اكل وش لبس البيت وسخ وولا مرتب

بس يشهد الله اني مافتحت الكام ولا ارسلت لااحد صوري


وكنت احلم ان لاب توبي يطلع منه نار وكانوا ناس ينصحوني اترك الخرابيط وانتبه ع نفسي

واخيرا فقت على نفسي كسرت الشريحه غيرت ارقام ايميلاتي وحذفت حساباتي في البلياردو


طلعت للناس رميت لاب توبي في دولابي تركت الماضي خلفي استغفرت ربي اخذت عمره وتبت بين يدين ربي والله يتقبل مني


قسما بالله اذا تذكرت الحين اللي كنت اسويه يضيق صدري واحس اني بمووووووووت


ربي ستر علي وان شاء الله يستر علي دنيا واخره

نرجع لزوجي زوجي تغير معي وصار العن 180 درجه لا لي حقوق ولا كلام ولا حركات مثل كل المتزوجين

اعرف انه يكلم ومدري هو يقابل ولا لا


تكلمت معاه خلينا نفتح صفحه جديده ونرجع مثل اول رفض قال اللي انكسر مستحيل يصلح

جتنا فتره مشاكل وهمووووووووووووووووووووووووووم كل واحد كاره الثاني رحت لااهله وفضحته بكل شي

اهله بس صاروا يبكون ويقولون مستحيل ولدنا يسوي كذا وهذا اغبى حاجه سويتها بحياتي

طلع العيوب كلها فيني وقال كذابه انا بريئ

اهله كرهوني كلهم ولا عاد يحترموني ويحبوني مثل قبل


صارت مشاكل بعدها اكبر رحت لااهلي وطلبت الطلاق قال والله لاافضحك باللي كنت تسوينه اذكرك ولا تذكرينه

معقوله عارف وشايف وساكت كل هالمده ويقول عندي الدليل بس مستحيل رجال يغار يدي تطلع للرجال وساكت عني ولا كاني سويت حاجه

ولا يهدد عشان اسكت واكمل معاه حياتي؟؟

ااااااااااااااااااااه ااااااااااااااااااه يارب استرني فوق وتحت الارض ويوم العرض الاكبر


الحين حياتنا زففففففففففففففففففففففت لا كلام ولا حياه مثل الازواج ولا علاقه ولا حاجه نجلس مع بعض ساكتين


اهلي يقول ترجعين لحالك اولادك مايدخلون بيتنا و علاقتي الزوجيه كل مالها في انحدار


كل هذا وزوجي كريم ع بيته وع اهلي وصلاته في وقتها وفي المسجد علاقته في الناس طيبه مره
علاقته باولادي مررره ممتازه
بيتي احسن وافخم بيت من ناحيه الاثاث وكل شي

لو اقوله خرجني نص الليل اتمشى يقول يلا البسي عباتك
الهدايا دايما غالييييييييييييييييييييييييييه
بس عيبه خيانته وحرماني كل مره اشوف ايميلات ولا ارقام واجلس ابكي حتى تنشف دموعي بس ماعاد بيدي حيله غير التطنيش والدعاء
وانا والله العظيم تبت لوجه الله اقسسسسسسسسسسسسسسسسسسم بالله اني تبت لوجه ربي وخوفي من الفضيحه لو استمريت بالمعاصي


اطنشه واحسن اليه وانا اعرف انه كل ماله يزيد في خيانته لي؟؟

طلاق ابدا مااقدر اتطلق وارجع لااهلي واترك عيالي

ادعولي بالستر الستر الستر ماابغى الا هالشي

يارجال اعطوني نصايحكم وياحريم اعطوني افكاركم كيف ارجع زوجي لي ويبعد عن الحرام

وانصحكم نصيحه لوجه الله انكم تبعدو عن السخريه من الخاين والمنحرف
ضحكت على ناس كثير كيف يخونون ولا يعرفون انه حرام وطبيت مكانهم

همسه لكل وحده خانها زوجها لا تفكري ولا تعتقدي انك اذا خنتيه راح تنبسطين قسما بالله العلي العظيم ان تعيشين في عذاب الضمير نفس حالتي

خاصموني اغسلوا شراعي عارفه اني حقيره لاني لو كنت اخاف الله وقتها ماكان فكرت كان صبرت ودعيت عليهم بس شيطاني ونفسي الوسخه كانت اكبر من كل شي

انا تعبانه وكل يوم ابكي ابكي ابكي من ذنووووووبي ابكي من حياتي الزفت ابكي ع حالي ابكي ع تقصيري مع ربي ابكي ع تربية امي وابوي وتعبهم معي

ابكي خوفا ع اولادي في المستقبل ربي يرجع دين ابوهم فيهم اخاف عليهم والله اخاف

انصحوووووني وربي يجزاكم كل خيرررر