اخواني اخوتي عندي مشكله مع زوجتي ارجو منكم مساعدتي
بسم الله الرحمن الرحيم
اخواني اخواتي يعلم الله اني صادق في كل كلمه راح اكتبها لكم هنا
انا مالي خمس شهور متزوج وبصراحه كل يوم مايمر الا وتمر علينا مشكله لا اعلم انا السبب ولا زوجتي السبب اترك لكم الحكم ولاتجاملوني
بالبدايه في فترة الخطوبه انخطبت اختها بنفس الوقت وخطيب اختها جاب لها شبكه وانا بصراحه ماجبت بسبب انها ماهي عندنا في عائلتنا المهم اخوها حن علي وجبت لها هدايا مع طقم ذهب
المهم مرت فتره وجلست اثث بالشقه وصرت استشيرها في الاثاث وصارت تطلب اشياء فوق طاقتي ورفضت لها بعض الامور وحسيت انها زعلت وانا بصراحه مابي احمل نفسي فوق طاقتها !!
المهم اثثت وخلصت جاء الزواج وطلبت منها ان الزواج يكون مختصر فحسيت انها تبي مثل اختها الثانيه فعملت زواج
جاء وقت الزواج رفضت اني اجيبها في القاعه لانه زوجت اخوي تقربلها وبين اهلهم مشاكل وقالت مابي اجي للقاعه اخاف تجي زوجة اخوك فقلت ماعندك مشكله راح اجيك في الشقه وتم الزواج والحمد لله على خير
المهم سافرنا لشهر عسل خارج المملكه بدت بيننا المشاكل واغلبها على اشياء تافهه لاتذكر
رجعنا وديتها لاهلها طبت مني الجلوس عند اهله فوافقت اخذتها وبدينا نكمل في شقتنا طلبت مني اشياء غاليه فقلت لها بصراحه انا ماقدر الحين لان وضعي شوي صعب والشقه ايجاره غالي قلت نكمل على راحتنا فحسيت انها منزعجه فسوت لي مشكله
المهم البنت وبكل صراحه حسيت فيها طمع مو طبيعي وبخل !!
الجهاز حقها شنطتين بس ولا شرت ذهب وانا معطيها مهر 50 الف طلبت مني اوديها السوق قلت انتي توك عروس تلبين اشياء المفرروض انك مجهزتها من انتي عند اهلك المهم حسيت انها ماشرت الا شي بسيط حسيت بالقهر ليه البخل هذا؟
سئلتها عن حافز حقها قالت انه عند اهلي وش تبي فيه قلت ليه ماتجيبيه وتساعديني في مصروفك على الاقل رفضت وجلست تصارخ وترفع صوتها
المهم طلبت منها الذهاب لخالتي زوجة ابوي الثانيه فرفضت انها ماتروح بحجة ان خالتي تقرب لزوجة عمها اللي بينهم مشاكل انا بالبدايه جبرتها انها تروح بعدين قلت خلاص مانتي مجبوره تروحين
المهم اخوي عزمنا في رمضان اخوي زوجته تصير بنت عمها اللي بينهم المشاكل بين اهلها واهل زوجت اخوي فالبنت سوت لي مشاكل وقالت امي تقول اول مره واخر مره اروح فيها لبيت اخوك انا تنرفزت قلت لاصارت امك لها الكلمه هاك الساعه قولي هالكلام كبرت المشكله وصلت لاهلها واهلي كنت بوقتها انا عنداهلي في زياره لان دوامي في ديره واهلي في ديره
المشكله كبرت وصلت لاهله انا كنت مواعدها تعيد عند اهلها فحسيت ان اخلقها دمار ماتبي تجلس في بيت اهلي تب تروح لاهلها لانهم لهم مجتمعين فسببت لي مشكله واتصلت على اخوها جاء اخذها لان اهلها في ديره ثانيه طلب مني السماح ياخذها فوافقت
المهم انا اتصلت على اخوها الكبير وقلت كل اللي عندي
البنت الحين عند اهلها زعلانه لان الام ماليه راسها
اتصلت كم مره عليها تتجاهل اتصالي ردت علي قالت انا تعبانه نفسيا ابي ارتاح عند اهلي ابي اجلس فتره خليها تاخذ راحتها والبنت اسلوبها ماتغير
اشياء لابد تفهموها اوقات اكون عصبي اجي من الدوام واخلاقي دمار وانا والله ماني بخيل عليها مطاعم اوديها كافيات مولات لكن ظروفي الماديه صعبه شوي وهي تعتقد اني بخيل عليها
مشلكتها تناظر خواتها المتزوجات واخوانها هذا حط في شقته هذي زوجها سوا لها
ابي منكم حل لمشكلتي ربي يخليكم
اخوكم طارق
التعديل الأخير تم بواسطة رجل من الشرق ; 06-09-2012 الساعة 02:12 AM
06-09-2012, 02:09 AM
ضوابط المشاركة
العرض الشجري