.... تحياتي لكم جميعا...
من اول ماطفوا العالم بالواتس والتويتر وهالخرابيط وقلبي ناغزني انه شر محض والحل الاستغناء عنه
ولاحاجة ماسة له .
المهم زوجي اشغلني وبرمضان بعد نشتري اجهزه جديده ونفعل الواتس والتويتر وحذرته انها راح تفسد
بدل ماتصلح المهم الرجال مقتنع مررره وماف فايده
قبل نشتريها جلسنا وتواعدنا كل واحد ينبه الثاني ونراقب بعض ونحاول نتحاشى مشاكل هالبلاوي
انا نبهت زوجي وخاصه التويتر اني اخاف على نفسي وعليه....
وصارحت زوجي وردت فعله برود ووضح ماراح يقدرون ياصلونك وانه واثق فيني ثقه عمياء وانا لازم
اثق فيه وللامانه هو مو راعي خرابيط ومؤدب وماشفت عليه اي خلل حتى بالمزح
دخلنا هالعالم انا صراحه الواتس ماحبيته ابدا خرابيط الفائده اللي حبيتها اذا بغيت من زوجي شي او هو بغاني الرسايل مجانيه وزوجي العكس صار 24 ساعه ع الواتس وكل شوي رساله حتى النوم صار يجلس اليوم كله يغفي ساعه وعينه ع الواتس ... هو كل شوي يفتح جهازي وشاف ماعندي مشاكل ولاراغبيه وانا فتحته وهو موجود ومفهي وماعليه قفل ولاشي كان فيه قروب اقرب اصدقاؤه صراحه
استغربت كلامهم وصخ مررره ومنحط (اذا شكى واحد ماجاه النوم يرد زميله سو ذاك وذاك مع احح وتنام؟)ترى انا هذبت الاسلوب .. وصور مقززه وبالعضو التناسلي والحاجات الجنسيه من باب الضحك
وحتى آخر يوم رمضان ارسل لي زوجي قصه على طريقة نكته ان زوج قال لزوجته نهار آخر يوم رمضان شفت هلال العيد وانتي قمري وعيدي وتعانقا وجابوا العيد وبيصومون شهرين .. ويمكن اكثركم وصلته الى وين نضحك على حرمات الله ونستهين ونجاهر ..؟ وزوجي مااقول يقول كلامهم لكن يضحك معهم ويقص ويلصق وشي ماتوقعته سب لأم العيال والفرق بين السعوديه واللبنانيه جنسيا وعاطفيا ؟
والشي الأخير انا وزوجي متفقين السفر للخارج مانجيب سيرته ابدا حتى العام اهلي بيروحون الاردن
وقال خلاص الخارج مانبي سيرته وهالصيف ماسافر بنا داخليا نظرا كما يقول للظروف الماديه
لقيت انهم متفقين بعد العيد يسافرون وخططوا ووزعوا المهام ورتبوا الدفع ونسقوا الفندق مابقى الا التذاكر... وزوجي اللي مقترح ويقول والله بحاجة اغير جو ونشوف الوجيه المماليح وضحك ...؟
انا التفت ع زوجي وهو شوي زمل بس ابتسم وبدا يبرر ان السالفه مزح بمزح وحتى السفر سواليف
وانه بس يتخيل ويحب يستهبل مع اخوياه واذا سويتها وسافرت بهاللحظه عاتبيني؟؟ وبالنسبه للكلام الوصخ والجنسي يقول حتى المواقع فيها وفيها ... انا مارضيت ومااخترت ويجيب الف عذر وعذر لزملاؤه ومالك شغل وبضحك ع كيفي مو انتي اللي تحاسبيني
والله ماتوقعت زملاؤه بهالسوء بكلامهم والفاظهم والله ماراح اسمح لاحد يهيني عند زوجي ويقلل من مكانتي
برسايل سخيفه ويقوي زوجي علي المهم صاير متمرد ومطنشني ع الآخر ولسانه وصخ والشهاده لله
عمري ماسمعت منه كلام وصخ للكن صار عادي بمجلس يجيب نكته فيها جنس او قريب منها
*****************************************
ما الحل ياجماعة الخير خايفه الوضع يتدهور