تعبت من التفكير - منتدى عالم الأسرة والمجتمع

29-09-2004, 04:43 PM

#21

alhanoof

شمعة المنتدى التى لاتنطفئ

تاريخ التسجيل: Jan 2004

المشاركات: 4,250

ممكن لحظه ياأخ نووووووواف ...

أخي الفاضل [[ نواف ]] ..

لاشكر على واجب .. وأنت لازم لازم لازم تصحى ولاتضيع عمرك أكثر ياأخوي على الفاضي ... والظاهر أن الأخوات والأخوان ماقصروا معاك بالنصيحه وخلك دائماً بالمنتدى متواصل معانا إذا عندك أي مشكله وتأكد بأذن الله أنك بتحصل الحل الأكيد .. يا أخي نواف صدقني أني ماألومك لأن هناك دراسه تقول أن اللي يحب مايشوف عيوب حبيبته بس هذهِ وقسم بالله ماتستاهل إنسان وفّي مثلك .. تستاهل اللي يأدبها ويعاملها بمعامله تليق فيها ... وزوجها المسكين ماينلام فيها .. لأنها مثل ماأكذبت عليك أنها تحبك وتموت فيك وخلتك تتعلق بأحبال وهميه بالتأكيد تراهي مطلعه الشب من عين زوجها ... وأنت ماتدري وهي تتصل لك وتتشكى من زوجها أنه مقصر عليها وأنت المسكين تصدقها لأنك بعيد وماتدري وش السالفه ....توكل على رب العالمين .. وقوي قلبك حبتين ... وقول لها في وجهها ... ضفي وجهك ولاتتصلين مره ثانيه وإلا وربي بتشوفين وش اللي بيصير لك وأنا ندمان على ثانيه قضيتها مع إنسانه خاينه خاينه خاينه لثلاث أشخاص وهم انت وزوجها والرجل الثالث والله أعلم وماأحب أحط في ذمتي يمكن في رابع .. لأن ذمتها وسيعه وهي متأكده من حبك لها ... لازم تعلمها أنك رجال .. ومش نواف اللي يلعبون عليه ... وصدقني أنك بتسمع عنها أخبار مش حلوه وأنها خسرت كل شي ... وربي يمهل ولايهمل ...

أخي الفاضل [[ نواف ]] ..

أبارك لك من كل أعماق قلبي لأنك فقت من غفلت هذهِ .. مع هذهِ الخاينه اللي كانت بتحمل اسمك وصدقت الآيه القرانيه الكريمه اللي تقول [ عسى أن تكرهوا شي وهو خير لكم] .. صدق الله العظيم ... وأحمد ربك ليل ونهار انها ماأحملت أسمك ولا أنك توهقت معاها .. وأفتح صفحه جديده وتعاهد مع ربك أنك مابتعود لها ... ونفس ماقلت لك .. أن كنت متضايق وتفكر فيها تذكر انها ماتستاهل مجرد التفكير .. وقوم وتوضأ وصل ركعتين شكر لله أنه فكك من هذهِ البنت اللاعابه .. وأدري أني هذاره بس وربي من القهر اللي في قلبي عليها .. وأشغل نفسك مع أهلك وأعتكف في المسجد وأرجع لربك وبتشوف الخير كله .. ومن يتقي الله يجعل له مخرجا ... وأكثر من الدعاء بأن ربك يعطيك البنت اللي تستاهلك وإن شاءالله أنا بدعي لك بالهدايه والصلاح وببنت الحلال ....

تقبل تحياتي .. وألف مبروك على بدايه حياتك الجديده بدون غش ولاكذب ولانفاق ... وأعتبر هذا الشي درس وعمرك مش ناسيه ... وصدقني بيجيها اليوم اللي بتعظ أصابع الندم وبتعرف قيمه زوجها وقيمتك .. وإذا أنزعجت من اتصالتها لك .. غير رقمك وأرتاح ... وخل نيتك طيبه وربي بيرزقك بالخير كله ...

أختك الهذاره

....هههههههههه.. الهنوف ..

التعديل الأخير تم بواسطة alhanoof ; 29-09-2004 الساعة 04:49 PM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه