بالنسبة لتكاليف الزواج انا عانيت منها كثير والى الان مابعد اتزوج وعندي مشكلة في هالخصوص , لكن طبعا مو الكل كذا فيه عوايل محترمة وماتتشرط وتبي بس رجال محترم ويقدر يعيش بنتهم حياة كريمة .
كثير من اصحابي تزوجوا ومرتاحين من غير شورط تعجيزية ولا تكاليف مبالغ فيها .

لكن انا شخصيا صحيح ماطلبو مني مهر كثير لكن دفعوني اياه اضعاف في الشبكة والان يبون يدفوعني اكثر في الزواج .

انا كلفتني حفلة الشبكة بس 70 الف ريال وفي النهاية يعايروني اني ماسويت لهم شي , ولاحد يقول ماخذ بنت عز وناس اغنياء , بالعكس احنا وضعنا احس منهم بأشواط .
الان الزواج حجزت لها قاعة بـ 30 الف
وتبي كوشة تكلف فوق الـ 30 الف
والعشاء بيكلف اقل شي 80 الف
واجرت لها شقة بـ 30 الف
والاثاث مكلفني الى الان والشقة مابعد تجهز كاملة فوق الـ 60 الف
وطبعا تبي فرقة بـ 15 الف وبطاقات الدعوة بتكلف 12 الف واستوديو تصوير بـ 14 الف والكوافيرة تبيني اجيبها لها للقاعة بتكلف حوالي 6 الاف وغيره كثير من الاشياء الي ماحد ينتبه لها الا قبل الزواج بوقت قصير .
وفوق كل هذا مو عاجبهم والى الان يتشرطون , اقسم بالله كرهوني في البنت وفي الزواج بكبره وكل هذا من راس امها .

تخيلو كنت اقول لهم بدل المبالغة في اشياء كلها حق ساعتين او ثلاث ساعات وتنتهي بدفع هالمبلغ اشتري فيه ذهب للبنت على الاقل يبقى شي فيه قيمة لو في يوم احتجنا بنبني لنا بيت او شي كذا , ورافضين يقولون سو لنا الي نبي في الزواج ومانبي ذهب ولا شي . اقول لهم طيب ناخذ هالمبلغ ونسافر فيه سفرة محترمة ورافضين .

طبعا انا اليوم محتار اكمل الزواج او اطلق واشوف لي بنت من بيت قنوعين .

الله يهدي هالناس يكرهون الواحد في الزواج حتى البنت كنت احبها بديت اكرهها .