رد : من يلعب معي ....زوج وزوجه .....!!!؟؟؟؟
الصراحة بعض الأوقات يصير فيه تقصير في بعض الأمور ويكون بدون قصد مثلا مثل سالفة الإسطوانه والله ياما وياما تخلص والغداء نص استواء او باقي في بدايته وطبعا زوجي رافض الفرن الكهربائي ورافض الإسطوانة الإحتياطية على قولته خايف من الكوارث اسطوانه واحدة تكفي كلامك عن الغاز لما يخلص ذكرني بحالنا امس خلص الغاز والطبخ على النار وباقي مانضج وابو الشباب باقي في الدوام فتركت كل شئ حتى جاء من دوامه بعدين ولدي راح يغير اسطوانة من محلات الغاز طبعا ابني يسوق السيارة وعندنا سيارة ثانية واقفة عند البيت بس مو متعود على سياقتها وهو توه صغيرفخفت عليه انه يروح بالسيارة والوقت كان الشوارع زحمة رغم انه عرض عليه يروح يستبدلها والمكان قريب على بعد شارعين بس خفت عليه اخليه يروح ففضلت انه ابوه يجي ويروح يغيرها عز الله انه جاء وقال للولد خذ المفتاح وروح غير الإسطوانه والولد راح هو واخوه وغيرها الله يحفظه وجابها احيان يخلص البصل او الصلصة او الزيت فجأة رغم انا نشتري بالشهر وكمية كبيرة لاكن مع الإستهلاك يخلص فهنا ارسل اولادي يجيبون الأشياء اللي تنقص من البيت وابوهم مو موجود سوى خضار او فواكه لاكن الصراحة مايجيبون الأشياء مثل ابوهم يعني يدورون الشئ الطيب والزين ولا ينتبهون لتاريخ الصلاحية ويضحكون عليهم البنقالية في الوزن والكيل بالذات الخضار وتنقصهم الخبرة في الشئ اللي طازج واللي مو طازج والله اني مرة ارسلتهم يجيبون لي حزمة ملوخيا راحوا جابوها لي نصها علف ونصها ملوخيا لما جيت اقطعها طلعت ماتملي الكف لاكن يالله شئ احسن من لا شئ الحين الواحد لما يكون عنده اولاد كبار امهم تقدر تستعين فيهم لو فيه شئ نقص من احتياجات البيت يروحون يجيبونه لها وابوهم مو موجود لاكن المشكلة والحوسة في الزوجة اللي باقي اولادها صغار او اكبر عيالها بنات صعبة يطلعون برى لحالهم او ترسلهم لتموينات لاكن اللي عنده ولد او اكثر كبار يقدر يعتمد عليهم بعد الله سبحانه وتعالى وحتى الزوج تلاقيه بعد مايكبروا اولاده ويصيرون يروحون ويجون تلاقيه يعطيهم بعض المسؤليات ويبتدي الحمل يخف عنه شوية من تسوق ومن مشاوير وخلافه حتى سواقة السيارة بعضهم يعتزلها ويتركها لولده وهو تلاقيه مجرد راكب بالسيارة ويعطي بس اوامر للولد روح يمين روح يسار ناظر المراية
وبعض الأمور ياخوي لو دققنا فيها راح نتعب ونتعب انفسنا وانت بالك طويل وماشاء الله عليك تحب اسرتك واولادك الله يحفظ لك اولادك وزوجتك يارب واهم شئ انك تشوف صغارك مبسوطين بجيتك هاذي اهم شئ ياخوي انا لو اقول لك مواقف يمكن تقول إني اكذب او ابالغ في كلامي أنا عندي5 اطفال وكل اطفالي حملهم وولادتهم تعب في تعب الوحم ياخذ له ثلاثة شهور معاي الطبخ ما اطبخ نهائيا وزوجي يروح لدوامه الساعة 5الفجر ويرجع الساعة 2 الظهر احيان يجيني الصباح يضبط فطور او يجيب معاه فطور جاهز ونفطر ويرجع لدوامه ويجي الساعة اثنين الظهر ويفسخ بدلته وياخذ له دش ويغير ملابسة وبوجهه طريق المطبخ يضبط الغداء ويخلصه ويصرفه ونتغدى واحيان يجيب معاه من برى واحيان نطلع اي مطعم نتغدى ونرجع للبيت وكان كل مرة يشوف له دبرة وماعمره انتقد او تذمر من الوحم والحمل الله يحفظه ويخليه لي يارب والحمدالله عقب ثلاثة الشهور ترجع الأمور عادية وارجع اطبخ وانفخ عادي والحمدالله الأمور طيبة حتى لوجاء زوجي من العمل والغداء باقي ماجهز او متأخر الله يخلي الزبادي وخبز البر يقول خلاص خلينا نخفف اليوم ونسوي ريجيم والغداء خليه عشاء وناكل سلطة وزبادي منزوع الدسم وخبز بر وتمشي الأمور وعادي عنده اي شئ ياكله مو متكلف ولا متشرط ماله وجبة معينة اي شئ اضبطه له ياكله وماينتقد ولا يعترض يقول اهم شئ انك تاكل كلها نعمة وكمان هو لو اشتهى اكلة الآقيه هو بنفسة يحوس ويدوس بالمطبخ ويضبطها ويعزمنا معاه على طبخته اهم شئ اكثر له المدح لو مدحته في اكله طبخهالنا بنفسه يجلس شهر يطبخ فيها حتى يطفشنا منها ويخلينا
نعوفها كمان بعض الأوقات لما يجي من عمله ويشوفني مشغولة بالمطبخ مايقصر يشمر عن سواعده ويدخل يساعدني وفي نفس الوقت ينقنق من الأكل اللي قد جهزته حتى الباقي يخلص الواحد لما يدخل للمطبخ ويساعد زوجته لها اثر في نفسها حتى لو ماساعدها اهم شئ يجلس معاها يسولف يونسها حتى هي تخلص شغلها والله ان جلسة المطبخ والسوالف فيه اروع واجمل من الف جلسة في مكان ثاني لها وقع خاص بين الزوجين احد من الأزواج قد جرب وجاب له مسنده او مركى وتكى عليه في المطبخ وسولف مع زوجته او شرب معاها شاي او قهوة او تناول معاها صحنين شربة بالخضار او تناول طبق من المرق الساخن او أكل معاها صحن سلطة جربوها لها اثر على النفس وفي نفس الوقت تسليك وتسليها إلين يجهز الغداء اما التقصير راح يصير هناك تقصير غصب عنا ومافيه كل شئ كامل الكمال لله سبحانه وتعالى وانا اعترف فيه اشياء اقصر فيها وما اقول اني زوجة مثالية ومافيني اي قصور الا والله فيه قصور لاكن الحمدالله والشكر لرب العالمين الله وفقني بزوج طيب لو شاف تقصير مني هو اللي يكمله ويساعدني على إصلاح الخطأ وتلافي التقصير وعايشين كلن منا سند وعون لنصفه الثاني .
هذا واعتذر على الإطالة ولاكن حبيت اوضح بعض من واقع حياتنا الأسرية وبارك الله فيك اخي الفاضل وحفظ الله لك زوجتك وابنائك وادام الله عليك السعادة والرخاء في حياتك . *
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 17-07-2012 الساعة 11:06 PM
17-07-2012, 10:59 PM
ضوابط المشاركة
العرض الشجري