السلام عليكم ورحمة الله وبركاته

اول شيء حابه اشكر الاخوان اللي راح يعطوني من وقتهم ولي رجاء خاص تشدون علي (مثل ما يقولون تعطوني كف يصحيني)
وانا اخترت الاخ ابو مريم لانه كان متابعني من البدايه وعارف بالمشكله والله يجزاه خير ما قصر وياي
والاخ خالد والاخ مارد عشان انا كنت متابعه ردودكم وحاسه انكم اكثر ناس ممكن تساعدوني من خلال ردودكم وشخصياتكم
ويمكن ما كنتوا متابعين موضوعي السابق .. وهذا الرابط واتشرف لو تردون علي هنا
http://www.66n.com/forums/showthread.php?t=233206

ولا يهونوووون الباقيين طبعا وكل من شاركني بكلمة او نصيحه او دعوه بموضوعاتي السابقه لكم مني كل الشكر والتقدير
وثانيا .. حابه اشكر الاخت المشرفه على اغلاق موضوعي السابق .. ساعدتيني اصحى من وضعي عشان اعتبر اللي صار كله من الماضي واطرده وراي بس اكيد برجع له بين فتره وفتره

طولت بالمقدمه
بس بصراحه انا عندي كلام كثير ماني عارفه من وين ابتديه وكيف ابتديه وكيف اوصل المعلومه
من غير ما تفقدون احترامكم لي .. بس انا ابي حل جذري من الداخل

ببتدي بنبذه بسيطه عن نفسي وكيف وصلت لهالحال
كنت فتاة بسيطه ما تعرف من الانترنت الا اسمه وحتى ما تعرف وش يعني ايميل
لين تعرفت على انسانه الله يستر عليها بالمدرسه ودخلتني عالم الشات والماسنجر والشباب
قالت لي تسليه ولعبه ووو .. ودخلت .. وتعرفت على عدد كبييير من الشباب بس من غير ما اعطي معلومات عن نفسي او اطلع معهم
كانت اغلب شي سوالف شات وماسنجر هذا كان لمدة سبع سنوات تقريبا
بديت اكلم جوال من 4 سنوات ونص تقريبا كنت اكلم اكثر من شخص لفترات بسيطه ما تتعدى شهر
الا شخص واحد كلمته ماسنجر لمدة سبع سنوات وجوال من 4 سنوات ونص
وصارت اشياء كثييييره .. والتفاصيل موجوده بموضوعي السابق

مع اني كنت احس بالذنب طول الفتره لكن كنت استمر .. ودي افهم نفسي شلون اخاف واستمر !!!
في هذي الفتره تغيرت كثيييير
كنت احفظ القرآن .. اهملته وقمت اسمع اغاني بمساعدة صديقتي الصدوقه وقتها
كل اغنيه جديده تسمعني اياها وانا قمت اسمع واسوي مثلها
صرت اكذب على نفسي على اهلي على كل شي
حتى الصلاااااة اهملتها

لين جات الفتره وجتني صدمه وعتني وقلت ابي اتووووووب
بديت اتغير وقطعت كل علاقاتي من نفسي .. الا ذاك الشاب هو قطع علاقته فيني بعد ما فقد الامل
قمت احافظ على الصلوات وادعي ربي يهديني ويتوب علي
تركت الاغاني
حتى اللي كان اسمها صديقتي الحمدلله ربي كشفها لي وسوت لي حركه تركتها من بعدها
اقدر اقول عن نفسي اني تغيييرت وارتحت شوي اكثر من قبل

والاخ ابومريم ابد ما قصر معي وقف معي وساعدني
ركزت اكثر على دراستي ومستقبلي والحمدلله تخرجت بمعدل يرفع الراس
تقدرون تقولون هذي نهاية جميلة لموضوعي

لكن للاسف ..
صارت معي اشياء كثيره
اقدر اسميها انتكاااااسه

بذكر كل شي بعد شووي وادري بطول بس كلي امل تسمعوني للاخير
وبعدها تقدرون تقولون اللي تبون حسب ما يسمع وقتكم وجهدكم
لكن كلي امل بعد الله فيكم انكم توجهوني وتساعدوني قبل شهر رمضان

والله يجزاكم خير

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين