دورت على رد على بعض كلامي في موضوعج السابق ما لقيت الصراحه...

اختي انتي تحبينه فمتغاضيه عن أشياء وااااااااااااااااااااااااايده.... خطيبج السابق يلعب عليج بكل صراحه... و أعطيج إياها من الآخر... انتي مجرد محطه يتسلى معاها... و انتي في المقابل تحبين الإحساس اللي يعطيج إياه... أحساس الأنثى اللي يركض وراها واحد... منو فينا ما تبا أحد يركض ورارها و حتى لو طنشته يرجع لها....

يا حلوه... كفايه تضيعين وقتتج معاه... يعني خلال سنتين ما قدر يدور واسطه يحصل المقابله فيها!!!!! و فجأه بعد ما رفضوه بيتين حصل الموافقه.... يا سبحان الله...

الرجل بطبعه يعرف كيف يجذب الأنثى... و يعرف كيف يلعب عليها.... و انتي وحده رومانسيه و تحبين تحسين انج مرغوبه...

نصيحه اخت... اقطعي تواصلج معاه و قولي له لو ما يت الموافقه خلال شهرين ابيك تطلع من حياتي... و بلغي اهلج هذا القرار.... الزواج لعبه.... و هو سبق و رفضج بطريقه مب حلوه ابدا.... قال لج انه مب قادر يصبر عن حرمه... يعني هو إذا يبي يتزوج... فهو يبي يتزوج لسبب جنسي بحت... مب لتكوين أسره و استقرار و سكينه و موده... يعني هدف الزواج ماله منحصر في شي واحد فقط حاليا.... و انتي تستحقين افضل من هالرجل...

ملاحظه: أهلج وين دورهم في اللي قاعد يصير!!!! وين دورهم عن جوازج اللي ماخنه!!! اللي اعرفه يطلبون نسخه فقط مب الجواز الأصلي...