أخي الكريم رجل الرجال ..
أشكرك على كلامك لجين , طلبت منها اليوم عقب صلاة الظهر نتناقش بهدؤؤؤء وكررت هالكلمه عليها فالبدايه وافقت وكنت مجهز نسخه من الكلام اللي كتبته لها قلت عشان نعرف فشنو نتناقش.

لاحظ بداية الحوار من بينا كان هادي والله كنت من بيني وبين نفسي أطلب من الله الصبر وكتم غيظي اذا استفزتني بشيء تناقشنا بموضوع أمهها وكنت مستنكر هدؤها كانت قمة الهدؤ وقلت لها أمج أنسيها هالفتره أنتي سويتي اللي عليج وحاولتي تبرينها بس هي صدتج ورفضت اطلبي من الله يسامحها حدود نص ساعه أو أكثر وأنا أتناقش وياها بموضوع أمها لغاية ما حسيتها اقتنعت قلت لها خلصنا من هالنقطه ما أشوف غير وحده وقفت وقالت بشرط شو شرط أنت بعد لا تسير عند خالتي دوم والله كنت بوافق على شرط عشان امشي الموضوع بس فكرت لحظتها وقلت لها أمي خط أحمر مالج علاقه فيها ولا تربيطنها بموضوع أمج ليش تبغيني أعاقبها بسبب أمج اللي هي غلطت ارتفع صوتي فجاه هي صاحت وقالت خلاص اسفه هديت انا وتعوذت من ابليس بس بعد شو ما قطعت الورقه والاقلام اللي بنخطط فيها حذفتها من الصراخ ,,,

ثاني موضوع تناقشنا فيه هو علاقتنا مع بعض وهنا حصل الانفجار من بينا طلبت منها تلغي المبدأ اللي عايشين فيه ان كل واحد له جناحه خاص بيه وقلت لها شو رايج نصمم لنا جناح على ذوقج والاجنحه القديمه نخليها في حالات الطوارئ شو رايج نعيش مثل ناس وتعطيني حقوقي , شو رايج نطلع ويا بعض نسافر ناكل ويا بعض شو رايج .... الخ ,, وهي ساكته سالتها لجين شو رايج موافقه ,,

قالت موافقه على كل شيء ولكن سالفة نرقد بحجره وحده لا ونساافر ويا بعض لا بعد ولا تيجي صوبي ...

أنا والله لحظتها ألغيت كل معاني الهدؤ والصبر والاحترام ويلسنا نتهاوش وقلت لها تراني بعرس على وحده ثانيه وبسكنها وياج لو فيج خير أطلعي من البيت ومب مطلقج شوفي عنادج ودلالج فين بوديج وكسرت كل شيء جدامي من تحف كنت مثل المجنون وهي أبداً واقفه ولا ردت بكلمه استفزتني يوم شفتها جي قلت لها أطلعي برع البيت ( هذه اول مره أقولها ) وخذي كل أغراضج هي ساكته ذبحتني بسكوتها ردت بكل بروود وهي تصيح قالت بطلع وراحت من جدامي .

لكن مستغرب منها للوقت هذا ما طلعت وسارت جناحها وقفلت على عمرها ولا عاد طلعت منه للحين شو يدور براسها مادري .

أنا والله متحسف على اللي صار لكن مب قادر أتمالك نفسي جدام أي استفزاز منها , عرضت عليها مره فكرت دكتور نفسي عن طريق أن يقابها مع أختي الكبيره من غير حضوري أنا في الجلسات لاني صعب أقابله رفضت وحولت الموضوع لتهديد وأنها بتخبر عمي بسالفه قلت لها برايج وكنسلت الموضوع .

تذكرت بعد تناقشنا بموضوع زيارتها لابوها اللي هي مشتكيه عندك أني مانعها من زيارته انا والله مب مانعها من زيارته ولكن رافض فكرة أنها تبات في بيت عمي ,, أنا أشوف ماله داعي تبات بيت أبوها لانه ماحد فيه غير عمي واحد من اخوانها وعياله ولكن نظامهم كل واحد بجناحه الخاص هي بعد لها جناح خاص بيت أبوها يعني بتم قاعده بروحها وقت ما عمي يسير يرقد عشان جي أنا رافض الفكره وقلت سيري عنده لين ما تشبعين منه وعقب بنرد بيتنا هي رافضه ..

__________________

الحمد لله على كل حال